熱爆娛樂: 【狗仔出更】陳豪收工趕住走留低李成昌霸氣佬上身 _

2018年12月23日星期日

陳豪、李成昌同樊亦敏日前喺沙田為大台新劇開工拍外景，一身白馬王子look嘅陳豪，揸住靚車喺沙田河畔一帶兜圈，拍咗幾個鏡頭就收工，佢同工作人員講完拜拜之後，就急步行去街尾，上番自己泊喺路邊架車，好快手咁開車離開，當時大約傍晚六點左右，唔知係咪趕住返歸同家人食晚飯呢？

而李成昌同樊亦敏就繼續留喺現場拍攝，同樣都揸咗自己架車去到現場嘅樊亦敏，等埋位時，見佢喺車尾箱執嘢，全程都笑笑口，心情唔錯，仲同工作人員談笑風生。

之後見樊亦敏同李成昌上咗一架七人車，李成昌左小腿有個紋身，着住恤衫加紅色西裝外套，襯一條花碌碌短褲配涼鞋，再加上一身金器，好粗嘅金頸鍊、金戒指等，夠晒搶眼。而化濃妝嘅樊亦敏亦唔弱，一身豹皮外套，好有大嫂feel，仲有幾個跟班，十足大佬大嫂出巡咁。

二人坐住七人車去到酒店門口，打開車門，李成昌霸氣落車行到酒店門外，舉起V字手勢，樊亦敏喺衫袋拎部手機出嚟幫李成昌影相，拍完呢個鏡頭，佢哋一齊睇playback都忍唔住笑。之後再講佢兩個喺車入面，樊亦敏扮打李成昌，李成昌扮痛苦表情，拍咗三個take，就完成收工。

精選娛聞，喺晒《娛果》

http://fb.com/appledailyent

【編輯推介】

【結婚5年】劉愷威楊冪宣佈離婚共同撫養女兒小糯米

http://bit.ly/2V0Lium

【嘴仔鼻仔似自己】祖藍添女認老心急追仔囡囡出世六日唔敢抱

http://bit.ly/2BwsPg8

【台獨樂團】未獲批簽證缺席何韻詩主辦音樂節閃靈樂隊團長感到香港變了

http://bit.ly/2V70o1F

【日劇御用奸角】石橋雅史心臟衰竭逝世享年85歲

http://bit.ly/2EGXnzk

【韓流】人妻勁索！ 37歲喬妹新相晒事業線

http://bit.ly/2CuzWHC

陳豪嘅白馬王子同李成昌嘅古惑佬造型好大反差(攝影：梁繼光)	陳豪揸住架車喺沙田河畔兜圈	 陳豪收工即急急腳閃人
 陳豪準備揸番自己架車離開現場	 樊亦敏全程笑笑口同人打招呼	 李成昌同樊亦敏喺車內對戲
 李成昌落車呢下都好有戲	 樊亦敏幫霸氣李成昌影相