袁偉豪為「情」棄戰造就馬德鐘稱帝
無綫頒獎禮將於周日舉行，一眾有份提名的小生花旦昨晚在盆菜宴上積極拉票，但星馬雙料視帝袁偉豪（Ben）卻自我放棄，改投對手馬德鐘一票！至於視后大熱陳煒在場內人氣最盛，吸引近30人圍住集郵！
今年頒獎禮競爭激烈，除了雙料視帝袁偉豪、演《跳躍生命線》大獲好評的馬德鐘及上屆視帝王浩信外，又突然殺出《大帥哥》張衞健爭視帝寶座；視后方面則屬陳煒、李佳芯及「雙料視后」黃智雯之爭，賽果難料！昨晚在將軍澳電視城舉行的《TVB職藝員聯歡晚宴2018》中，一眾入圍演員紛紛上台落力拉票。
「凡事唔好去到盡！」
已有兩獎在手的Ben揚言會將自己的一票投給馬德鐘，問到「棄戰」是否屬實？Ben說：「係呀！我對馬德鐘有個情意結，因為98年入行時第一套戲就係同佢拍，之後合作《飛虎》，佢都好支持我。當時捱得好辛苦，佢對我有好多鼓勵，所以今次我會投畀佢！（自己唔諗三料視帝？）冇乜所謂之前『星馬』雙料視帝對我嚟講已經係好大喜悅，凡事個勢都唔好去得太盡！」
獲Ben力撐的馬德鐘表示是首次參加盆菜宴，沒計劃趁機拉票，亦沒想過得獎致謝詞：「冇諗到咁遠，隨緣。（張衞健都好有機會攞視帝？）咁先好，仲有好多對手，王浩信、馬國明、袁偉豪。」又表示睇好李佳芯做視后，因為對方在《跳》劇飾演其太太，笑說：「要撐我老婆！」
陳煒用盡力氣拉票
視后方面，陳煒與李佳芯正面交鋒，場內以陳煒最受歡迎，有近30名幕後人員邀她合照。陳煒在台上跳舞拉票，笑言會用盡最後一口氣拉票：「同事都睇到我哋拍劇時幾咁辛苦，拍到凌晨6點都仲着住件戲服喺公司，所以今次係動之以情！」又坦言雖然支持勁敵李佳芯，但一定會投票給自己！
至於李佳芯笑稱會搶走身邊人的電話投自己一票，並承諾得獎會公開獻唱。對於有傳她推掉劇集《禍後》致奪獎機會泡湯，她透露是因健康理由推劇：「滿面生滿粒粒，爛面咁！醫生話我情緒同壓力影響免疫力，呢段時間要放鬆同休息。」
|
鍾意就快D Share啦！
|
|
|