日前，「Yahoo搜尋人氣大獎2018」喺尖沙咀文化中心露天廣場舉行頒獎典獎，呢個頒獎禮可以話係年尾樂壇頒獎禮嘅一個熱身賽。
雖然當晚有古天樂、謝安琪、麥浚龍、林峰、李佳芯，一眾藝人得獎，張敬軒亦一人獨攬「本地男歌手」、「最具號召力香港男藝人」、「人氣票王」及「年度熱搜歌《天才兒童1985》」四個獎項，仲揮低埋一直被佢視為「勁敵」嘅小鮮肉姜濤。軒仔話今次呢個獎得來不易，「我知道我啲fans㩒掣投票㩒到手指頭都損埋，同埋要多謝佢哋發散佢哋嘅親戚朋友投票，所以好多謝你哋嘅親戚朋友。」之後佢仲話要多謝姜濤fans，「因為大家手下留情，所以我呢個『樂壇平安鐘』就可以㩒少啲。」之後佢代埋好友容祖兒拎女歌手獎，仲即刻容祖兒上身，「我要變佢嗰把好巴渣嘅聲，（高八度）好多謝我嘅歌迷。」之後仲不忙幫祖兒宣傳佢嘅慈善基金搞咗個義賣，希望大家多多支持咁話。
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|