日前，金像獎導演林嶺東喺屋企猝逝，終年63歲，事發突然，震驚圈內、外。
16年，林嶺東拍《沖天火》，個故仔係寫人類發明令人長生不老嘅幹細胞，佢講過「電影裡面，我係神！我要點就點，但現實裡我操控唔到生老病死，因為神都有老嘅一日。」
對於生死，林嶺東有另一番體會，喺電影裡加入長生不死元素，係因為林嶺東唔想大家再有面對生離死別嘅痛苦、無奈。
喺呢一刻，世間留得住我嘅就係我嘅家人，電影留得住我，我就多拍幾部。留唔住我，我就走囉。如果行屍走肉，冇晒用，我唔希望有一日，我個腦又唔會用，廁所又去唔到，所以我贊成安樂死，我想決定我幾時走。
除咗生死難面對，林嶺東最唔想嘅，係大家睇到佢嘅老態。
佢講過，「自己已一把年紀，拍電影我可以操控晒所有嘢，但現實裡操控唔到
生老病死，我實在唔願意俾你哋見到我今日呢個樣，所以我要戴帽、戴黑超，等你哋聯想一下我有幾多白頭髮，我唔想讓你咃睇到⋯⋯我唔係扮嘢，亦唔使理個Look點變。其實觀眾唔使認到我個樣，觀眾只要知道戲係我拍嘅就夠喇！
林嶺東仲話，高清電視嘅力量太大，如果上鏡就會將佢嘅老態盡現，呢個亦係唯一佢唔做電視訪問嘅原因！
來源 source: http://nextplus.nextmedia.com
|
鍾意就快D Share啦！
|
|
|