64歲嘅成龍，2015年4月推出咗首部中文版自傳《成龍：還沒長大就老了》，而英文版直到後日（4日）先至會喺全球發售，英文版嘅內容同中文版好唔同，成龍做咗唔少修訂。特別係英文版用咗好多比較重嘅詞嚟形容成龍，呢啲就冇喺中文版出現過。
喺上月29日一位好有影響力嘅多媒體記者Daniel Bates就喺英國《每日郵報》發佈一篇專題文章，報道書中成龍坦承對待女人同小孩「完全是混蛋（total jerk）」，揭露年輕時沉迷賭博和酒精，揮金如土同妓女玩樂；有次同老婆林鳳嬌嗌交，佢一開始認為林鳳嬌係貪圖錢財先同佢一齊，所以佢將錢都收埋晒，仲出軌同吳綺莉搞婚外情，到林鳳嬌生下房祖名，佢一次冇去探過，婚後仲好想離婚。一次兩人嘈交，佢仲將學緊行嘅房祖名掐住掉去沙發，之後佢對住塊鏡自責「你真是個混帳」，佢先發誓要改過。
書中又提到：「Jackie Chan calls himself 'a real 'b***ard' and admits he's slept with scores of prostitutes（成龍自稱是個「真正的混蛋」，並承認與數不清的妓女睡過。）」專門探討這位國際巨星嘅英文版回憶錄內容嘅Daniel Bates更一度批評成龍不認女兒以及不尊重女性。
Daniel Bates引述咗多段成龍形容自己同初戀女友傾到同鄧麗君嘅相處，再從鄧麗君聊講到林鳳嬌、吳綺莉。Daniel Bates認為，成龍係個花花公子，對女性無論態度還是行為都非常差。而當中最令佢不滿嘅，係成龍對女兒卓林嘅態度，讓人很難接受。佢還嘲笑成龍大字唔識一個，連信用卡簽名都寫得唔好。總之，成龍在女性身上犯嘅錯，讓Daniel Bates極之不滿。成龍自我剖析話自己之所以如此離經叛道，係由於冇安全感同唔夠成熟。
另外，書中另有提到成龍揮金如土嘅事蹟，例如佢以前經常醉酒揸車，朝早撞完架保時捷，夜晚就撞架Benz，每日個人都係處於暈暈哋嘅狀態。而佢又提到自己鍾意一大班人去食飯，講緊10幾年前，就試過一年請人食飯使費逾200萬美元（逾1,560萬港元），仲未計佢平日送禮物畀人嗰啲數，使錢手法非常誇張。
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
