掃呢頁CODE去手機

2018年12月2日 星期日

英超Fever:曼聯成隊毒瘤 僅和聖人又失分 __,曼聯,

(法新社圖片)延伸閱讀:【有片】盧卡古控波渣到點?控到受傷囉!https://bit.ly/2reHJTP 【有片】7秒總結生涯 普巴堅災難級http ...


(法新社圖片)


延伸閱讀:

【有片】盧卡古控波渣到點?控到受傷囉!

https://bit.ly/2reHJTP 

【有片】7秒總結生涯 普巴堅災難級

https://bit.ly/2Rt5vqH 

英超曼聯又和一場!周六深夜尾場紅魔鬼作客修咸頓,聖人聯賽九場不勝狀態極曳,但紅魔鬼一開波就陷於苦戰,頭廿分鐘內就連失兩球。曼聯唔見棺材唔流眼淚,抖擻精神下憑拉舒福特兩次助攻,造就盧卡古及安達靴里拉建功,半場成功追和。以為曼聯換邊後可以乘勇反超前,但球隊又靜番晒,若非迪基亞飛身救出列特文靚遠射,曼聯極可能一分不保。紅魔僅逼和對手2:2,近三仗英超僅攞兩分。

修咸頓上仗連包尾嘅富咸都輸得,但曼聯去到聖瑪莉球場毫無甜頭,13分鐘奧巴菲美禁區內撥橫,史超活岩士唐右路撳遠柱搞掂打開紀錄。20分鐘拉舒福特禁區魯莽犯規,薛迪索拉斯射入靚罰球拉開比數,客軍領隊莫連奴黑晒口面。

主隊後防之後出現甩漏,畀到機會曼聯追平,福仔進攻時甩晒腳,但依然傳到畀盧卡古,後者一抽入網,打破12場賽事不入球頹勢。39分鐘福仔右路落底傳中,靴里拉後腳一射搞掂,半場追成平手。

落後兩粒後極速追平,後上嗰隊通常氣勢旺盛,但曼聯換邊後又冇腳好波,只有普巴於禁區內倒掛起腳較具睇頭。曼聯幾大進攻主力呢場都好沉,盧卡古雖有波入,但一開波對手送大禮,盧卡古於禁區內睇到定晒都射唔入;福仔上半場無啦啦犯規,搞到球隊輸到0:2,第一個助攻都係甩甩漏漏。保羅普巴上半場演出更加係災難性,換邊後佢又無端甩腳,列特文偷得皮球遠射勁靚,好彩有迪基亞飛身托走,曼聯唔失晒三分要多謝呢位鋼門。

曼聯先於曼市打吡不敵曼城,上仗於奧脫福連水晶宮都贏唔到,呢次又僅逼和修咸頓,紅魔鬼弱勢持續,魔粉肯定搖頭歎息。

延伸閱讀:

【有片】盧卡古控波渣到點?控到受傷囉!

https://bit.ly/2reHJTP 

【有片】7秒總結生涯 普巴堅災難級

https://bit.ly/2Rt5vqH 

支持本地運動員,一齊去「睇體」!

https://bit.ly/2DxX4XI 

東網體育FB同你追實體壇每個精彩時刻!

http://bit.ly/2ecTF2A 


來源 source: http://hk.on.cc
鍾意就快D Share啦!