自稱單身的吳千語強調聖誕不Lonely，就算見到舊愛林峯，她都會打招呼。
晚上近八時許，賓客陸續抵達，張智霖（Chilam）與太太袁詠儀、蘇永康夫婦、恬妞與女兒、任達華、孫耀威與太太陳美詩、張敬軒、賈曉晨、汪明荃與丈夫羅家英等。
至於自稱單身的吳千語就穿上開胸連身裙赴會，她表示向新人送上現金。問可有祝賀說話？她說：「快啲生番幾個，我諗阿嬌都好鍾意小朋友。（你嚟婚宴可有憧憬自己結婚？）好似尚早，過多幾年先。（入到場驚唔驚見到林峯？）唔驚都（分手）咁耐。（會打招呼？）見到都會。（分手後有冇見過佢？）冇撞過。（林峯有拖拍，會唔會催佢結婚？）佢嘅事我唔評論，（有傳你想翻撻林峯？）梗係冇，總之係假嘅。（你感情生活點？）呢個階段有冇都好開心，好充實，啱啱拍完兩部戲，下個月又要飛，可以喺香港過聖誕。」
當被問會否過一個Lonely（孤獨）聖誕時，吳千語作反白眼狀回答：「唔係一個人，會同朋友過。」
來源 source: http://hk.on.cc
|
鍾意就快D Share啦！
|
|
|