近日憑無綫劇《是咁的，法官閣下》「喊」贏網民歡心的細細粒（陳嘉佳），於19年賀歲片《你咪理，我愛你！》亦有不少精彩演出，當中最難忘絕對是與何遠東的床戲。
何遠東憑《降魔的》龍貓一角人氣急升，加上細細粒又一度被封女版「何遠東」，是次二人同場上演「爆笑版苦情床戲」，自然份外吸睛。
應導演要求二人不斷大玩「上床版笨豬跳」，連續半小時不斷沿著大床跳上又跳落，雖然期間數度喘氣，但二人拍攝「深情對望」鏡頭時卻能成功忍笑一take過，事後問到二人是如何忍笑時，二人異口同聲謂：「其實以我哋嘅身形，互相壓住對方係一件好辛苦嘅事，咁之前『跳大床』已經用咗咁多體力，如果喺呢個位因為忍唔住笑NG再浪費多啲體力唔抵啫。只要你唔想事後腰酸背痛，幾日落唔到床，就忍到笑架喇。」何遠東更笑言，事後回到家中才發現手臂有一大撻瘀傷：「拍嗰陣可能太投入，所以唔覺痛，返到屋企一望先知咁傷。粒姐破壞力真係好驚人呀！」
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
