2018年是Bob的豐收年，除剛以《美女廚房》在無綫頒獎禮獲得最佳「非戲劇節目」獎外，又在今年賀歲片《如珠如寶》孭正男一，搞笑地位終於被肯定。不過入行十五年，從來只顧工作，甚少放假的他，也捱出病來，早前入過醫院做通波仔手術，他說：「醫生同我講，其實我幾嚴重，如果唔做手術，我會有機會中風，或者心臟病隨時無命。」
不過身體出現問題，未有影響他對工作的拼搏精神。遇到好機會，他依然會百份百投入，Bob自言在某程度上，身體經過手術後補充足夠營養，是重新reboot，應該比以前更強壯。
明年踏入40歲，一直勤奮工作的Bob慶幸自己有能力照顧一家，不過每月要出糧給自己做老闆的製作公司員工，又要搵錢養家，他坦言很大經濟壓力，所以有時有些難頂工作，也會接來做，幸好他懂得轉化：「我會開開心心去做，我覺得如果咁做，可能有更好嘅事會陸續出現自己身上。」
向來重視家庭，無獨有偶，Bob今年拍的賀歲片，導演林敏驄也是借老人院故事帶出珍惜家人長輩信息。
「今年屋企有兩個老人家離開咗，係好錫我嘅嫲嫲同婆婆，佢哋走得好安祥，所以拍呢部戲時，自己有好大感觸。慶幸自己平日都會同屋企人食飯見面，亦固定家庭聚會。」他說。
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
