熱爆娛樂: 【老公與1萬女優上床】AV界天王清水健公開婚紗相放屁贏得美人歸 _

2019年1月9日星期三

【老公與1萬女優上床】AV界天王清水健公開婚紗相放屁贏得美人歸 __,清水健,

現年39歲嘅日本AV界天王清水健，去年宣佈娶人氣Blogger兼作家伊藤春香。前日起，伊藤春香在網誌及社交網上公開多張結婚相，昨日就出發到大阪見女方祖母，今日再直入京都，展開三日兩夜嘅關西之旅。

伊藤春香最近首次公開婚紗照，甜蜜模樣羨煞旁人，不過佢上周孖清水健上節目受訪，伊藤春香坦言交往初期難以接受清水健嘅工作，見到佢同AV女優十指緊扣拖手，難過得幾乎缺氧，仲因此而大喊一場。春香表示：「我曾經大受打擊，哭着打電話給他。」不過春香慢慢克服內心擔憂，佢仲笑言：「和他上過床的人超過1萬人，嫉妒1萬人也是沒完沒了，我就看開了。」

兩人交往四年決定拉埋天窗，伊藤春香透露初次見面係喺一間高級餐廳，當時坐在隔籬枱嘅春香聽到清水一直講低級話題，女方回想起當時：「一開始覺得很噁心，但後來開始覺得這是我人生中沒遇過的類型，認識他後，我的人生經驗值應該會上漲吧。」春香曾寫blog透露對清水健着迷嘅地方，竟然係「放屁」；記得有一次約會，正在開車嘅清水握住軚盤突然講：「我剛剛放屁了...」春香對此感到不可思議，莫名一陣感動：「這麼丟臉的事情居然可以如此光明正大地說出來，真的很佩服他。」春香認為清水健嘅不修邊幅舉動，反而係其吸引之處。

精選娛聞，喺晒《娛果》

http://fb.com/appledailyent

伊藤春香近日公開二人多張結婚照。	 伊藤春香表示當初難以接受另一半與其他女優親熱。	 39歲清水健拉埋天窗，十分幸福。
 伊藤春香不時在網上晒恩愛，獲得網民祝福。	 清水健於去年7月宣佈閃婚。	 伊藤春香帶老公清水健到大阪，見居於當地嘅祖母。