2019年1月9日 星期三

【慎入】《大帥哥》四個重要人物會死「馬炭」洪永城真奸定假奸? __,洪永城,

據知結局有四個「重要人物」會死。網上圖片
張衞健主演嘅《大帥哥》去到尾聲,講「馬炭」洪永城同「狄大帥」兄弟變仇人,尤其係洪永城殺死天嬌同兄弟羅義嗰幕,睇到網民相當肉緊,大罵「馬炭」反骨,有網民 ...


張衞健主演嘅《大帥哥》去到尾聲,講「馬炭」洪永城同「狄大帥」兄弟變仇人,尤其係洪永城殺死天嬌同兄弟羅義嗰幕,睇到網民相當肉緊,大罵「馬炭」反骨,有網民覺得編劇識玩,將馬炭寫到成魔,但又唔係壞到盡,咁個角色就多啲變化,搞到網民囉囉攣,估洪永城係真奸定假奸,而佢會唔會係忍辱負重呢?而羅義又係咪假死,究竟洪永城係咪衰到尾?大家嘅下場係點?最尾又會唔會「公式化」嘅大團圓結局?



前晚嗰集講「羅義」徐榮劫獄救走「大帥哥」張衞健,為咗掩護大帥哥,特登畀「李細龜」張達倫發現,起初講馬炭扮晒冇心殺羅義,之後仲抱住羅義流下男兒淚,呢場喊戲,網民覺得洪永城做得幾自然,佢亦唔再幫革命黨,而天嬌嘅日本黨羽又睇中馬炭,搵「根本英俊」趙永洪說服馬炭與日本人結盟,加上之前劇情亦講到馬炭係佐藤家族嘅人,即係馬炭好大機會倒戈幫助日本人噃。



據知結局有四個「重要人物」會死,當中必死就係奸角「李細龜」張達倫、「根本英俊」趙永洪、「蒙大同」蔡國慶,咁仲有邊個會死?



最終死嘅仲有「馬炭」洪永城,佢只係一心想做統領軍閥嘅大帥,有人阻擋佢完成目標,佢先鏟除嗰啲人,即係佢係有心殺羅義,不過天性本身唔衰,後嚟畀大帥哥打動,同大帥哥一齊協力,鏟除蒙大同,馬炭不幸犧牲,而馬炭亦冇幫日本人,只係喺利益上拎咗一啲資金同大炮。



洪永城呢次演奸角,唔少網民睇到咬牙切齒,演技確係有進步,o依家佢就拍緊新劇《黃金有罪》,講股票市場同商業騙案嘅劇情,唔知佢係咪又做啲亦正亦邪嘅角色呢?



精選娛聞,喺晒《娛果》

http://fb.com/appledailyent



據知結局有四個「重要人物」會死。網上圖片 前晚嗰集講羅義徐榮劫獄救走大帥哥。無綫電視截圖 前晚嗰集講羅義徐榮劫獄救走大帥哥。無綫電視截圖
之前馬炭槍殺天嬌。無綫電視截圖

之前馬炭槍殺天嬌。無綫電視截圖
馬炭扮晒冇心殺羅義。無綫電視截圖

馬炭扮晒冇心殺羅義。無綫電視截圖
呢場喊戲,網民覺得洪永城做得幾自然。無綫電視截圖

呢場喊戲,網民覺得洪永城做得幾自然。無綫電視截圖
馬炭最終都會幫大帥哥。無綫電視截圖

馬炭最終都會幫大帥哥。無綫電視截圖
唔少網民怪奸角馬炭搞散頭家。無綫電視截圖

唔少網民怪奸角馬炭搞散頭家。無綫電視截圖
左起「馬炭」洪永城、「李細龜」張達倫、「根本英俊」趙永洪、「蒙大同」蔡國慶在劇中都會死。無綫電視截圖

左起「馬炭」洪永城、「李細龜」張達倫、「根本英俊」趙永洪、「蒙大同」蔡國慶在劇中都會死。無綫電視截圖

鍾意就快D Share啦!
Related Posts Plugin for WordPress, Blogger...