【12:23】女傷者經搶救後情況穩定。
凌晨近1時，牛頭角道玉蓮臺對開燈位，一部的士沿牛頭角道2線往牛頭角方向行駛，其間駛至燈位，當時為「綠公仔」，一名婆婆由行人過路線行出過路，惟的士駛至收掣不及直撞婆婆，姓黃（72歲）婆婆被撞至飛彈2米外，當場倒地，盆骨受傷，由到場救護員將她送院治理，姓龍(66歲)司機在場協查，警方調查意外原因。
讀者譚先生當時正駕車駛經現場，他直指「見到的士衝燈，有女途人被的士撞到飛起。」他表示意外後約3至4分鐘便有警員到場，其間為女傷者急救，「當時行人綠燈冇幾耐，其他人都係後面等過馬路，的士冇收掣，嘭一聲，先見到的士撞倒女途人，女途人彈飛1、2個車位，因為係綠公仔，完全冇諗到的士衝埋嚟，後面啲人即刻退後。我有諗過的士司機係咪恰眼瞓，冇為意係紅燈要停，女途人瞓係地冇郁過，太突然啦，個個都比唔切反應，剩係聽到有聲，抬頭望先見到佢（女途人）比車撞倒。」
你敢爆，我敢獎！ 立即WhatsApp《蘋果》24小時爆相爆片熱線或致電：63836568
| 婆婆在綠公仔過路,的士駛至冇收掣。(讀者譚先生提供) | | |
|
鍾意就快D Share啦！
|
|
|
