女人蒲頭就係是非多，早排羅霖接受訪問，大談自己離婚後要獨力撫養幾個仔，供書教學，俾人知道原來「名媛」是如此的。冇計啦，1997年前夫劉坤銘（Roger）生意失敗兼遭債主申請破產，當時係澳門搞賭廳嘅劉思仁，曾經出手相救才把兒子劉坤銘從破產邊緣拉上來。中環口痕友就講，羅霖咁高調 出來「數」，目的都係想前夫分番啲俾佢，聽聞前老爺劉思仁三年前過身，都有啲身家分俾劉坤銘，所以呢位劉公子變得好風騷，仲有第二春添，身邊有位40多歲嘅女banker作伴！
驟眼睇劉坤銘真係幾富貴喎，佢住嘅半山愛都大厦相連單位，市值過億元，不過睇真啲物業一直係由父母持有，老豆死左，相關嘅股份都係轉左俾阿媽蔡雪芳咋，直啲咁講句，劉坤銘只係有居住權而唔係有擁有權㗎，睇嚟羅霖想為細路討返啲生活費，前奶奶依然健在，睇嚟都難過登天，辛苦命嘅羅霖要攬仔自食其力啦。
撰文：宗菁華
來源 source: http://nextplus.nextmedia.com
|
鍾意就快D Share啦！
|
|
|
