2019年1月1日 星期二

【除夕倒數】少婦聯盟邊個接力做新娘? 譚凱琪替龔嘉欣加油 __,譚凱琪,鍾嘉欣,龔嘉欣,

攝影:盧妹
譚凱琪、陳凱琳、龔嘉欣等少婦聯盟今晚同埋韓星崔宇植,去到馬鞍山出席倒數活動。譚凱琪以好性感嘅金色裙騷腿同騷deepV事業線,佢話係為咗慶祝新一年新開始 ...


譚凱琪、陳凱琳、龔嘉欣等少婦聯盟今晚同埋韓星崔宇植,去到馬鞍山出席倒數活動。



譚凱琪以好性感嘅金色裙騷腿同騷deep V事業線,佢話係為咗慶祝新一年新開始,而且今晚好開心同好姊妹一齊搵真銀。佢又話龔嘉欣可能係少婦聯盟第二個跑出,而自己就未有任何計劃,以事業為重,但同男友都會朝結婚呢個目標進發。



陳凱琳有咗BB,譚凱琪話反而令自己想放慢腳步,因為朋友之中已經有人有咗BB,第時出咗世叫聲姐姐就OK。而今年年尾好幸運,因為《大帥哥》反應收,吸引咗好多小朋友fans,好多5~10歲嘅小朋友whatsapp佢,去街市買餸平兩蚊。雖然盛裝打扮,但唱《終生美麗》時就甩晒beat。



陳凱琳同龔嘉欣受訪時話,少婦聯盟重聚好開心,最近兩個星期見一次,陳凱琳又多謝龔嘉欣好似妹仔咁照顧佢,會叫人小心啲唔好踩到佢條裙,又會拖住佢走圍行。



問到龔嘉欣有冇打算做契媽?佢話:「呢個要問BB先得,最緊要佢健健康康。得佢(陳凱琳)一個結咗婚,成日問佢有咩感受,陀BB有咩感覺。」譚凱琪受訪時話龔嘉欣會係少婦聯盟第二個結婚,龔嘉欣就say no:「哎呀,我讓咗佢先。」



講到新年願望,龔嘉欣話想留長番頭髮,加上今年冇劇出街,好期待下年係豐富嘅一年。至於有報道指佢同男仔食high tea,龔嘉欣就答:「我會同啲閨密講悄悄話,等我結婚就會好認真咁同大家分享。」



陳凱琳就話新年願望係做個好好媽媽,希望每日都有嘢可以感恩。今日佢着住3、4吋高踭鞋出活動,佢就話係自己貪靚,不過都係落車先換上,咁老公有冇批准架?陳凱琳話:「佢都知我穩定咗,同埋佢見我着過都冇問題都放心。」



大家都好開心BB嘢準備成點?陳凱琳話:「好用心咁上網睇咗,需要嘅嘢都睇緊,BB房冇特別裝修,買咗啲嘢返嚟已經有個種味道,同埋驚油油之後,我聞咗陣味唔係咁好。」龔嘉欣自動申請做陪月,佢話好鍾意小朋友,希望係兩個小朋友,講到佢有個high tea男,佢就話:「high tea要進化做dinner先得。」



韓星崔宇植用廣東話講:「大家好,我係崔宇植。」之後佢試食地道美食,好似雞蛋仔,菠籮包等。



精選娛聞,喺晒《娛果》

http://fb.com/appledailyent



攝影:盧妹  少婦聯盟重聚,佢哋話呢排平均兩個星期見一次。 少婦聯盟重聚,佢哋話呢排平均兩個星期見一次。
 今日一齊去到馬鞍山出席例數活動。

今日一齊去到馬鞍山出席例數活動。
 大家好照顧陳凱琳個BB。

大家好照顧陳凱琳個BB。
 陳凱琳話有睇開BB用品,但BB房冇特別裝修。

陳凱琳話有睇開BB用品,但BB房冇特別裝修。
 譚凱琪話龔嘉欣應該係少婦聯盟入面第二個結婚,但佢就話未係時候。

譚凱琪話龔嘉欣應該係少婦聯盟入面第二個結婚,但佢就話未係時候。
 今日最性感。

今日最性感。

鍾意就快D Share啦!