掃呢頁CODE去手機

2019年1月4日 星期五

【嘉穎煲靚湯】陳凱琳身材升級肚開始凸 手腳仲係好纖瘦 __,鄭嘉穎,陳凱琳,

攝影:沈健程
陳凱琳(Grace)、林慧韡(達哥)及杜小喬今日去到旺角街頭出席食肆宣傳活動。懷有身孕嘅陳凱琳身材明顯升級,Grace話升咗幾多就唔知,不過屬於正常, ...


陳凱琳(Grace)、林慧韡(達哥)及杜小喬今日去到旺角街頭出席食肆宣傳活動。懷有身孕嘅陳凱琳身材明顯升級,Grace話升咗幾多就唔知,不過屬於正常,Grace說:「自己每日望住個肚大,覺得好神奇,估唔到身體慢慢轉變,感覺良好,食嘢方面自己食多餐,但量唔多,有時夜晚12點、1點都要食嘢,自己鍾意食湯麵,嘉穎話會煲湯畀我飲,但我仲等緊佢煲湯。」



問Grace夜晚有冇要求嘉穎買消夜俾佢食,Grace話未試過,佢話通常嘉穎朝早準備好晒。Grace話懷孕之後,食嘢口味改變,以前鍾意食西餐,o依家鍾意食鹹嘢同中餐,同埋想食炸嘢,Grace話嘉穎o依家對自己都特別溫柔:「今日出門口之前,都同BB講話小心啲睇住媽咪。」



嘉穎係呢間食肆嘅代言人,今次搵咗Grace接棒宣傳,Grace說:「嘉穎今日出門口之前,都叫我同高層朋友打招呼。」問佢哋會唔會夫妻檔,Grace話:「唔知,最好難得可以一齊拍廣告。」



對於會否一家三口拍廣告, Grace笑言:「BB未咁早食得炸雞。」Grace話暫時未接過母嬰產品廣告,一切順其自然,佢話o依家好易攰,好眼瞓,經常要休息,短期內唔會拍劇,因為唔想連累劇組進度。Grace透露佢同嘉穎已經諗咗幾個BB英文名,而中文名留番畀父母改,相信到時出世就會有頭緒。



精選娛聞,喺晒《娛果》

http://fb.com/appledailyent



攝影:沈健程 陳凱琳有咗之後,手腳仲係好纖瘦。 陳凱琳有咗之後,手腳仲係好纖瘦。
但身材明顯升級,個肚都越嚟越凸。

但身材明顯升級,個肚都越嚟越凸。
陳凱琳今日係同達哥及杜小喬為炸雞店宣傳。

陳凱琳今日係同達哥及杜小喬為炸雞店宣傳。
嘉穎都係呢間食肆嘅代言人,老婆陳凱琳就接棒宣傳。

嘉穎都係呢間食肆嘅代言人,老婆陳凱琳就接棒宣傳。

鍾意就快D Share啦!