2019年1月4日 星期五

【令人心痛的角色】真心愛大帥哥嘅天嬌 交到戲俾張衛健嘅譚凱琪 __,張衛健,譚凱琪,

因為《大帥哥》天嬌一角,好多人都發現愛上咗譚凱琪。睇到天嬌死嗰刻,更加痛彻心扉。就算天嬌最初只係企喺大帥哥身邊陪笑做花瓶,但聽話溫馴嘅賢內助feel, ...




因為《大帥哥》天嬌一角,好多人都發現愛上咗譚凱琪。睇到天嬌死嗰刻,更加痛彻心扉。

就算天嬌最初只係企喺大帥哥身邊陪笑做花瓶,但聽話溫馴嘅賢內助feel,已經好得觀眾喜愛。直到天嬌真正身份曝光,更有風使盡𢃇欺負艾妞,有一刻真係好憎天嬌。點解要俾咁多戲碼佢?間諜咪間諜囉,點解要設定佢得勢後氣燄凌人?情願佢一直喺大帥哥身邊做個平淡而快活嘅女人仔!好過因愛生恨。

不過,我哋都錯喇,原來天嬌由始至終都無變,一直好愛大帥哥,仲講到明有諗過背叛自己國家,同大帥哥雙宿雙飛。再加上大帥哥比美《西遊記仙履奇緣》「曾經有份至真愛情擺我面前」嘅對白:「你唔係日本間諜,你唔係天皇嘅人,你係我女人!你條命係我嘅,除咗我之外,無人可以攞你條命!」真係睇到人心都酸埋。

可惜,天嬌最後都被馬炭殺死。雖然話天嬌死有餘辜,而且佢死咗可以救返大帥哥一班人,馬炭為大局著想無做錯,但 希望馬炭最後不得善終!

BTW,有人話天嬌戲份多且複雜,如果換俾另一個一線女演員做效果會更加好,《壹》仔唔認同。譚凱琪已經做得出嬌柔女子背負重大使命,但更加渴望愛呢一點!如果天嬌唔係譚凱琪做,觀眾或者會覺得佢抵死,而唔再係覺得可惜。

另外,大家唔使再戥張衛健拎唔到視帝而覺得唔抵喇!睇完佢昨晚(1月3日第24集)哽咽住放走天嬌,再到見到天嬌屍首後情緒波動嘅演出,就知大台視帝已經唔係佢嘅level,拎咗反而自貶級數。

鍾意就快D Share啦!
Related Posts Plugin for WordPress, Blogger...