2019年1月4日 星期五

【半年內第三次】挨年近晚亞視再裁一成人手 員工斥不近人情 __,亞視,

 (資料圖片)
經常傳出財困及裁員嘅亞視,剛踏入2019年又再度裁員。亞洲電視繼去年11月裁減達50人後(相關新聞︰https://bit.ly/2VslqI1),今 ...


經常傳出財困及裁員嘅亞視,剛踏入2019年又再度裁員。亞洲電視繼去年11月裁減達50人後(相關新聞︰ https://bit.ly/2VslqI1 ),今日又傳來裁員消息!

相關新聞:【亞視又裁員】咁啱拍完一季節目 黃紫盈噚日Last Day:準時出糧



據知亞視台前幕後約有200名員工,今早多個部門都有同事收到大信封,重災區為製作部、市場部及OTT部門,裁減總數約一成,即有約20至30位同事受影響。而亞視台慶將於1月29日舉行,高層仍希望「大搞」,但據幕後人員爆料指,現在公司氣氛好差,將近農曆新年又裁員,已經係半年來嘅第三次,感覺亞視「好不近人情」。據了解亞視製作部人數寥寥可數,只有約10-12人,但由於亞視自家製節目《香港追擊搜》今晚播完之後,亞視只餘下《財經台》一個節目,所以幕後人員好多都有心理準備,農曆新年會有再多一次的裁員潮出現。



剛簽約成為亞視藝人嘅2018亞洲小姐香港區冠軍梁雪瑤,今日回覆《蘋果》表示不知情,佢話︰「未收到消息,但今天還在進行雜誌的拍攝工作,不擔心公司,只是做好自己本份就好。」而亞視高層何麗全暫時未有回覆。



朱慧珊回覆《蘋果》時話聽到呢個消息好唔開心:「我今天返亞視錄影《香港追擊搜》,但當時未有聽到裁員消息。o依家聽到有裁員,當然好唔開心,希望新嘅一年人人有工做,如真係有同事不幸被裁員,希望佢哋可盡快搵到新工作。」佢又指有啲同事同佢講早有心理準備公司會裁員。



其實亞視去年11月裁員後,亞視仍於去年12月舉辦《2018亞洲小姐競選》,仲去咗馬來西亞舉行「亞洲小姐全球總決賽」,除咗選美又搞新節目《香港追擊搜》,估唔到舉辦完亞姐唔夠一個月,又再度裁員。



精選娛聞,喺晒《娛果》

http://fb.com/appledailyent



2018亞洲小姐香港區冠軍梁雪瑤表示不知情,稱只要做好自己本份。(資料圖片) 2018亞洲小姐香港區冠軍梁雪瑤表示不知情,稱只要做好自己本份。(資料圖片)
黃昏過後亞視大埔總台杳無人煙。(攝影:黃曉程、梁繼光)

黃昏過後亞視大埔總台杳無人煙。(攝影:黃曉程、梁繼光)

鍾意就快D Share啦!
Related Posts Plugin for WordPress, Blogger...