掃呢頁CODE去手機

2019年1月30日 星期三

張家輝:英皇賀歲片首映 林嘉欣爆張家輝最抵打 __,張家輝,林嘉欣,英皇,鍾嘉欣,

英皇賀歲片《廉政風雲 煙幕》在九展舉行首映禮,老闆楊受成、主角張家輝、劉青雲和林嘉欣等齊齊出席,場面星光熠熠。張家輝和林嘉欣為新片在澳洲拍外景拍足一個 ...


英皇賀歲片《廉政風雲 煙幕》在九展舉行首映禮,老闆楊受成、主角張家輝、劉青雲和林嘉欣等齊齊出席,場面星光熠熠。張家輝和林嘉欣為新片在澳洲拍外景拍足一個月,令劉青雲大為葡萄!家輝聞言即說:「我夠羡慕佢喺香港拍,拍完就可以返屋企,你估外面住一個月酒店好好玩呀?(拍外景時有冇掛住屋企?)可以瞓番自己張床梗係好啲。」談到他在澳洲有不少在雪山滑雪的戲份,家輝自爆滑雪期間跌咗手提電話亦懵然不知,幸好遇上好心人拾獲交去服務台,因此大呼好彩。而林嘉欣則在戲中頗多動作,更要打張家輝,嘉欣笑言:「家輝好樂意畀我打。」在旁的家輝即加以否認。講到電影若再開續集,三人都異口同聲表示想參與。

青雲說出埠拍外景其實沒有問題,但最大困擾反而是住酒店,他說:「有時每晚都要換酒店,適應房設施係一件幾頭痛嘅事!好似控制燈掣,係幾麻煩嘅事。(你瞓唔着?)有時都會㗎!試過有時好長時間喺外面做嘢,返到酒店都會瞓唔着,咪搞吓啲燈掣囉!最難適應點熄燈掣,同埋搵一條光嘅路行去廁所。」張家輝即表示認同,他笑言試過入到酒店浴室不知點開水掣,沖唔到涼要捱凍。

林嘉欣表示出埠從不會失眠,因出埠定必帶定眼罩,笑言「一罩住自己就熄咗」,張家輝講笑説:「用飛虎隊面罩得唔得?」而青雲就拒絕用眼罩,因習慣一睜開眼就要看到東西。家輝透露近來都會四出配合宣傳,說:「聽日又去蘇州,出埠出到個人好心灰。(幾時休息放假?)個心就休咗好耐,但個人休極都休唔到。」


來源 source: http://hk.on.cc
鍾意就快D Share啦!