- 六月再踏紅館 四面台全新概念騷 側田預告：opening好震撼，一定要準時入場！
- 55分鐘前
118
恭喜側田，成功申請到今年6月14及15日的紅館檔期，入行十四的他，即將舉行第八次個人紅館演唱會！距離17年12月舉行的《JUSTIN CHAPTER FREE》演唱會只有一年多，為了令歌迷有新嘢睇新嘢聽，側田決定唔玩part 2，製作一個全新概念，起用全新班底，打造一個好音質而又令大家耳目一新的演唱會，側田說︰「今次演唱會叫《My Beautiful Curse》，之前有想過開part 2，但每次踏上紅館都有一種感覺，就係想更加進步，要比上一個紅館騷做得更好，今次喺製作方面會更仔細、故事性會多啲。其實入行以來，差唔多每首歌都係講自己嘅故事，每首歌都是有訊息想表達，這次是想跟觀眾分享的一個晚上。另外，好多年無開過四面台喇，今次應該會幾好玩，我都好期待快啲可以唱歌俾大家聽。」
今次個唱，側田邀請了商台的細So擔任創作總監，二人為個唱概念傾了很多個晚上，希望帶出一個有反思而又有共鳴的個唱。近日，側田為演唱會拍攝海報，將自小喜歡的英國卡通人物「Mr.Bump」形象貫穿在內，並加入細so有關梵高割耳朵的概念在內，「入行十幾年，上天給我一份很好的gift，可以讓我在台上唱歌，這份美麗的東西，同時又會帶給我一點不開心的事情，人生就是這樣，有好有唔好，尤其是這個行業，很少人會有同理心，細So知道我小時候很喜歡《Mr.Men and Little Miss》系列其中一角『Mr. Bump』，他是一個經常撞傷的公仔，我覺得自己都是周身重傷，這個造型很鬼馬，加上細so講了梵高割掉左耳的故事給我聽，所以才有今次個唱海報的concept，頭飾是染了藍色的紗布，希望給歌迷一些新鮮感。」
今次是側田第八次的個人紅館騷，他說會以一take過的music background，以故事形式記載自己人生上半場的銀色旅程，更再三強調大家要準時入場：「opening唔只係故事嘅重點，仲係個大驚喜，好震撼，大家唔可以錯過，錯過會唔知故事講咩嘢！」為了六月舉行的《My Beautiful Curse》，側田將會特別製作四首新歌，其中兩首是不會派台的，只在這個演唱會限定唱出，大家要好好留意喇！距離開個唱尚有幾個月時間，側田趁農曆新年假期，將會帶女友齊齊返美國團聚，「因為媽咪住在美國，其實每次開騷，都是一個家庭聚會的機會，人愈大愈覺得這些時間好寶貴，今年希望返美國跟媽咪拜年。」
來源 source: http://nextplus.nextmedia.com
|
鍾意就快D Share啦！
|
|
|