《荷里活有個大老千》終於大結局，都係嗰啲好人好報，衰人惡報啦，即係肥婆四死過翻生後同瑪利蓮行埋，又喺「荷里活電視台」打骰，然後加俊、缽仔糕、舒奇、明珠、墨基、小燕都成雙成對。文雄就入冊兼被獄中仇家打鑊金，大師兄龐峰就末期癌症時日無多。不過，呢啲都唔係重點！大結局甚至可以話係全劇嘅重點，就係最後1分鐘，王晶出場！
雖然唔係監製王晶本人現身，不過都搵咗個名叫黃精嘅小演員去扮王晶，而且呢場戲嘅對白都幾盞鬼㗎，好似王晶現身報上大名之後，肥婆四立即話：「你個名要改喎，因為個姐姐（缽仔糕）啤住你，想摑你呀！」雖則缽仔糕「嘩」一聲講：「點敢呀！」但睇嚟王子涵對老竇王晶好似真係有啲不滿喎。之後其他人叫肥婆四唔好再嚇小王晶，肥婆四就話：「驚咩啫，王晶嚇大㗎嘛。」睇落好似有啲九唔搭八，但就彷彿似係同不滿王晶嘅人講：「你哋幾唔鍾意都好，我王晶未驚過。」
無論如何，套劇終於播完，好定唔好已經唔重要，因為唔少人都好期待緊接嘅新劇《福爾摩師奶》，因為有越嚟越濃女人味嘅陳松伶呀！
來源 source: http://nextplus.nextmedia.com
|
鍾意就快D Share啦！
|
|
|
