2019年2月24日 星期日

張家輝:當張家輝係大佬!張松枝出埠開工筍到爆 __,張家輝,張松枝,

藝人張松枝於英皇電影《廉政風雲煙幕》中,飾演張家輝、袁富華(Ben)的好兄弟,三人由細玩到大,感情超好,但最後要眼看好友要為另一好友死,當中演繹壓力及 ...


藝人張松枝於英皇電影《廉政風雲 煙幕》中,飾演張家輝、袁富華(Ben)的好兄弟,三人由細玩到大,感情超好,但最後要眼看好友要為另一好友死,當中演繹壓力及掙扎,對松枝都是一種挑戰。他接受東網訪問時稱:「我哋三個係由細玩大嘅好朋友,張家輝喺我哋之中最聰明、學識最高,而我同Ben哥係較低下層,同佢有段距離,但當家輝係偶像、大佬!戲中家輝要我哋幫佢解決一件事,但當中要有人死先可以,而我就夾喺中間,雖然唔使死,但眼看好朋友為另一位好朋友去死,嗰種壓力、掙扎位,演出嚟都好大挑戰!而導演嘅拍攝手法,喺戲中亦有一個錯摸位,以為我同Ben哥挾持家輝,當中要拿捏得好準,先有呢個錯摸感覺,呢次真係學到嘢,導演喺細位度摸得準!」

松枝今次角色「超筍」,因全部都在澳洲拍攝,他笑言:「我未去過澳洲,今次可以話係開工加旅遊,全程10日中我開工只得4、5日,其他時間都係出去玩吓。Ben哥好叻,又識搭巴士、地鐵,帶我遊勻悉尼,好開心!而同家輝合作,大家之前已喺電視、電影合作過,大家好熟,所以每逢開工都好開心。不過今次澳洲行,家輝就變咗宅男,收工成日返房唔出嚟,我就跟住Ben哥周圍去,期間亦喺佢身上學咗好多演戲嘅橋妙嘢,而導演都令我學識演呢類型角色,因為我從未演過,雖然鏡頭、場口唔多,但好需要演出嗰種感覺,多謝導演教識我。」

而《廉》在元宵佳節時,港澳區票房宣告衝破三千萬大關,而今日(24日)香港累計票房亦已過三千二百萬!


來源 source: http://hk.on.cc
鍾意就快D Share啦!
Related Posts Plugin for WordPress, Blogger...