前大律師林作竟然嗌破產，佢自己貼街招，話幫人補習幫補收入，佢留言：「公告天下：我真的破產了。由於溝女無數，我洗（使）費每月已超過收入程度，目前每月欠債大概2萬。冇錯，你見到嘅，係我喺港九各處貼出嘅廣告。打俾（畀）我吧。來吧。地產代理也歡迎。我要錢。」溝女溝到破產，係咩玩法？
林作接受東網訪問，佢話：「搵食啫，冇計我唔覺得咁樣肉酸，香港人精神係咁，冇錢就要搵！（你阿媽好有錢，佢唔幫補你？）佢話我29歲喇，要自立門戶，斷水斷糧幾個月，依家先知搵食艱難！」街招出街後，佢話好多人打嚟問，但好多都係玩嘢，都畀唔起錢：「我每堂開價100蚊，但都冇人幫襯，依家香港經濟好差！依家好等錢使，希望每個月賺到兩萬，每月儲到萬五蚊！（收100蚊咁平？）萬丈高樓從地起，想做好個口碑，話晒我都係牛津生。」估唔到牛津生嘅佢，竟然淪落到咁嘅地步，係宣傳定真係有咁嘅事呢？真係得佢先知喇！
來源 source: http://hk.on.cc
|
鍾意就快D Share啦！
|
|
|