2019年2月15日 星期五

王子涵:靠父蔭上位?王子涵澄清:我唔係溫室小花 __,王子涵,

無綫藝人王子涵最近於劇集內「孭重飛」,被指「靠父蔭」的她自爆經常被爸爸王晶「言語攻擊」,加上入行後受過閒言閒語,令她深明「凡事不是必然」,望以實力取勝 ...


無綫藝人王子涵最近於劇集內「孭重飛」,被指「靠父蔭」的她自爆經常被爸爸王晶「言語攻擊」,加上入行後受過閒言閒語,令她深明「凡事不是必然」,望以實力取勝。

王晶愛女王子涵雖然貴為「星二代」,但星途似乎麻麻,入行4年才獲委以重任,於父親監製的劇集《荷里活有個大老千》中擔演主要角色。

懶理標籤勤力取勝

劇集未出街前,她已有心理準備外界可能發出負評,或者認定她「靠父蔭」,子涵直言:「我唔可以取悅所有人,如果我Handle唔到,爸爸亦唔會搵我,我哋公還公、私還私,佢喺呢行咁多年,我相信佢嘅決定能力高。雖然有部分人鍾意將呢個(星二代)標籤加喺我身上,但相信亦都會有另一群人,標籤我係勤力嘅女演員!」果然霸氣十足。

子涵坦言從小到大,王晶都不是個會說「甜言蜜語」的爸爸,反而經常打擊其自信:「我唔係溫室長大,屋企個『溫室』反而荊棘滿途!試過起身口腫面腫、未梳洗畀佢見到,爸爸就會話我:『乜你咁樣衰呀?』試過畀爸爸鬧到想放棄,後嚟就知唔應該放棄,而係應該要重新整頓自己。」

喊戲一Take過

子涵坦言入行後受過不少冷言冷語,難怪她坦言:「冇人係天生對你好嘅,難得今次喺《荷》劇內遇到好多好好嘅前輩,所以我心存感激。」談到拍攝的難忘事,她即說:「有場戲我要求張慧儀幫我去救爸爸,唔知點解我會咁入戲,導演要求當時滿口缽仔糕嘅我爆喊,我一Take過搞掂。(當時諗緊乜?)咪好似小朋友唔見咗父母咁囉!」


來源 source: http://hk.on.cc
鍾意就快D Share啦!