掃呢頁CODE去手機

2019年2月15日 星期五

麥明詩苦笑自爆悲慘情史 前度出軌後竟說:應承唔到不再出軌,都係算啦 __,麥明詩,

《後生仔傾吓偈》咁長壽唔係無理由,事關主持人不時都語出驚人,又涉及私事,好易令觀眾進入食花生mode,例如日前一集談論愛情問題,指出伴侶好多時都會出現 ...




《後生仔傾吓偈》咁長壽唔係無理由,事關主持人不時都語出驚人,又涉及私事,好易令觀眾進入食花生mode,例如日前一集談論愛情問題,指出伴侶好多時都會出現「齋講唔做(只有承諾無行動)」嘅情況。討論期間,麥明詩突然彈出一句:「我覺得啲人好多時剩係齋做囉。」如此語帶雙關嘅說話,性博士馮盈盈又點會聽唔出呢,立即WOW出聲啦。

緊接著,進入「女友發火,男方為息事寧人咩條件都會答應咗先」呢個話題時,麥明詩就講出自己遇上一個相反情況:「佢出軌,我梗係好嬲啦,但佢話:『我答應唔到你唔再出軌喎,所以我唔敢做呢個承諾,都係算啦。』佢話一時三刻都係改唔到,唔夠成熟。」六號立即追問:「聽到嗰刻反應係點?」麥明詩話:「喊到停唔到。」

雖然主持人會話上述事件主角係其他朋友,但相信聰明嘅觀眾都知麥明詩講緊自己,而佢口中出軌者極大可能姓林,加上「喊到停唔到」呢個提示,《壹》仔無估錯嘅話,上述事件可能就係發生喺片中呢晚,當時麥林二人仲未分手,不過男方同讀書時鍾意咗好耐嘅女同學夜蒲被斷正,然後約出嚟攤牌,又被《壹》仔撞到正,二人喺餐廳傾到好激動,女方更喊晒口添。


鍾意就快D Share啦!