近日有傳賭王何鴻燊病情轉差，入咗ICU，而賭王嘅四房，連日嚟輪住探訪，又為賭王否認喺ICU傳聞。Anyway！賭王依家情況點，真係一個謎！
但四太心情，從呢餐下午茶，就略知一、二。賭王傳出入養和ICU之後，四太梁安琪探病都要抖抖氣，同細女超欣，約埋四哥嚟個High tea，全程四太傾到指手劃腳，保持佢一貫嘅style。至於笑容，成餐茶間唔中都有出現，咁即係佢對賭王嘅健康，唔係太擔憂
四太一路吹水，四哥就撩住牙聽。至於陪住阿媽見班Uncle Auntie嘅超欣，表情顯出佢相當之悶，無法相隔幾個generation都肯join，19歲嘅超欣出於孝順，又真係抵讚。
直至order嘅食物上枱，超欣即刻生猛晒。食飽飽，仲有閒情孖住Auntie行街睇衫。點知睇睇下，先發現阿媽唔見咗。最後兩母女會合番，全程超欣神情都好輕鬆，睇嚟賭王老豆嘅情況，無乜影響佢心情囉！
來源 source: http://nextplus.nextmedia.com
|
鍾意就快D Share啦！
|
|
|
