42歲泥水工人丁金望，今晨（2日）在觀塘地盤開工遭飛墮的木方擊中身亡，其妻晚上在家接受訪問，激動痛哭泣不成聲。丁妻指丈夫「阿望」在家中排第4，有兩胞姊及一胞兄，在22歲時與第一任妻子結婚，誕下兩個兒子，至多年前她與丁在香港結識，兩人透過微信通話數個月，言談間知悉對方有兩個兒子。
丁妻不諱言：「覺得佢人好好，好愛兩個仔，好顧家，覺得佢係一個可以托付終身的人」，兩人遂相約見面拍拖。至今結婚約5年，年多前誕下兒子「阿Ｂ」，兩人一直十分恩愛，她憶述：「佢係一個好好先生，平時佢返工好辛苦，放工返嚟我就會煮飯，佢就會同阿Ｂ玩，佢兩個玩得好開心，我都好放心，之後我會幫佢揼骨。」
丁妻早前帶同阿Ｂ返內地睇醫生，今晨出事前亦有通電話，「阿望」還問及兒子情況，詎料轉頭卻發生悲劇。她接到消息後即時返港，遺憾是未能見丈夫最後一面，她哭稱：「今朝仲好地地，點解會搞成咁？本來係幸福一家人，阿Ｂ啱啱先識叫爸爸，點知依家就無咗爸爸！」現時家庭失去家庭經濟之柱，丁妻徬徨稱：「全家都靠佢一個，依家無咗佢點算，有3個仔，兩個讀緊書，一個仲咁細，我真係唔知點算？」她又指大仔在台灣每個月租金加生活費要萬多元。
至於慘劇原因，家人指只從新聞報道及工友口中得知，據悉「阿望」在事發時有戴安全帽及安全帶，至於木方為何由高處墮下卻無人交代，希望勞工處等能盡快查明原因。丁妻又激動稱：「我唔甘心，我一定要知道咩事，一定要知道真相，我要知道邊個攪到我老公咁，我一定要搵出嗰個人！」最後，丁妻向丈夫道：「我非常之掛住你，好唔捨得你，好想你返嚟屋企，我唔相信（丈夫離世）呀！」
來源 source: http://hk.on.cc
|
鍾意就快D Share啦！
|
|
|