《2019國際中華小姐競選》將於聽晚舉行，一眾佳麗為咗拉票，與香港網民拉近距離，連日來喺社交網更新動態，同網民建立良好關係，雖然社交網方面贏取網民歡心，但係決賽當日嘅表現先係最緊要。無綫Facebook專頁集合咗歷屆華姐問答環節，讓大家回顧一下，包括盧淑儀、鍾麗緹、張慧儀、譚小環、湯盈盈、李珊珊及汪詩詩，見盡唔同年代嘅泳裝潮流！
唔講唔記得，原來盧淑儀、鍾麗緹及張慧儀同樣參選1993年華姐競選，當年問答環節以紫黑色中國風泳裝行頭，雖然封胸密實冇線睇，但貼身高衩剪裁將佢哋嘅婀娜身材表露無遺！不過，最值得網民讚嘆嘅，係昔日嘅自然美，唔少網友大讚以前嘅佳麗靚好多，至少知道佢哋係天然喎！咦？係咪暗寸緊今屆嘅佳麗係「再造人」？
至於1995年代表香港參選嘅譚小環，雖然行出來有啲生硬，但被考即席配音嘅表現，獲網民大讚急中生智，最抵死學埋司儀曾志偉把聲，認真搞笑！去到1997年嘅李珊珊，由於當年大玩主題，暫時未能回顧佢嘅泳裝look，不過佢嘅急才亦獲網民讚大方得體。
網民有話兒
Cxxx xi：以前啲質素好掂！
Erxxx Lxx：譚小環笑死我。以前選美既（嘅）都真係好靚又有腦，唔似而（依）家果d成日扮低b
Gxxxxn Kxxxxe：每個中華小姐都好有特色~~但屬譚小環最急中生智👍
Jexxxxx xo：呢啲真係天生麗質，純潔天然
xxxxxds Gxxxxn：93華姐好睇過而（依）家，上年上上年華姐係邊個話？
來源 source: http://hk.on.cc
|
鍾意就快D Share啦！
|
|
|