林子祥5月將於紅館開騷，為宣傳，喺大台拍咗個節目《尋找阿Lam的那些年》！唔只，日前更喺母校男拔舉行記者會，表示今次紅館騷係以音樂劇形式演出，合作嘉賓包括阿仔林德信、胡琳同小肥，佢哋更即場合唱《三人行》！
期間被問到有無鞭策阿仔，林子祥話多年嚟都未鬧過佢，只係打過一次，不過如果綵排排極都唔掂，就會直接出手打，鬧都嫌費事！
難怪林德信話壓力大啦，據知佢要負責4、5首歌之餘，仲要表演樂器兼跳舞呀。唔緊要啦，好彩有個體貼識Do嘅女朋友，事關《壹》仔早前撞見林德信同女友現身，可能係知道男友呢排壓力大，女友會主動攬腰鼓勵吓，真係呵返無難度。原來呢日佢哋約咗一班朋友坐低飲咖啡，發現唔夠位坐，女友仲會主動去搬凳添，咁主動落手落腳嘅女仔好難得㗎，所以林德信先可以佗佗佻佻咁半趴喺枱同frined吹水。
來源 source: http://nextplus.nextmedia.com
|
鍾意就快D Share啦！
|
|
|