掃呢頁CODE去手機

2019年3月2日 星期六

【搵㗎妹集郵】古巨基勁到歐吉桑都爭住影 森美食檸檬飽最後只能…… __,古巨基,森美,

㗎妹絕對係港男嘅理想情人,古巨基同森美呢對亂世兄弟,去到日本當然都想完夢。不過,佢哋都係有家室嘅人,所以決定幫幫身邊嘅單身導演識返個㗎妹,於是展開「日 ...




㗎妹絕對係港男嘅理想情人,古巨基同森美呢對亂世兄弟,去到日本當然都想完夢。不過,佢哋都係有家室嘅人,所以決定幫幫身邊嘅單身導演識返個㗎妹,於是展開「日本街頭集郵大比拼」,睇睇基仔同森美邊個集郵返嚟嘅㗎妹最合導演心水!BTW,導演有咩要求先?佢話:「靚嘅,身材好嘅!(身材點為之好?)古太咁好。(唔係啩,要比古太好幾廿倍!)」導演咁口乖,作為老公嘅基仔反而倒米,古太嗰刻可能心諗:「真係一啖砂糖一啖……」

講返正題,二人分頭行事各自搵㗎妹集郵,基仔堅係勁,幾乎每次邀請合照都成功,而且唔單只㗎妹,就連歐吉桑(大叔)都主動要求合照,真心唔知基仔原來紅到去日本咁把炮!

另一邊廂,平時好醒好得戚嘅森美,係咁被㗎妹請食檸檬,搞到勁老尷,仲有啲慘情feel添。或者森美受太大刺激,之後化身痴漢,被拒絕就一直掉住人哋尾兼且喺到口噏噏,嚇死人喇!唔只,佢更開始出現幻覺,自編自導自演情節,將自己被拒絕合理化:「我哋可否合照?(唔好意思,你太靚仔,我有啲怕羞,唔好意思。)唉,有時靚仔係有啲蝕底。」最後,森美唯有入7仔拎起本成人雜誌合照,又隔住玻璃偷影喺室內用餐嘅人,都算係無辦法之中嘅辦法嘅。

其實,森美最後都執到件靚女,不過人哋疑似講中文,所以最後由基仔勝出,而且主動搵基仔影相嘅路人一直未停過,連森美都話:「都唔同嘅,啲人自己去搵佢影,我就跪求都無人理我!」之後森美出絕招,強迫基仔啲fans同自己合照,仲逼人讚佢靚仔添,笑鬼死。


鍾意就快D Share啦!