2019年3月15日 星期五

陳家樂:瞓廢屋畀瘙咬!陳家樂窮到靠阿爸攝錢打救 __,陳家樂,

入行十多年的藝人陳家樂,去年憑無綫劇集《逆緣》爆紅,成為新一代師奶殺手,工作接踵而來,除拍電視及電影外,還有不少商演,豬籠入水的他透露試過冇錢過日子, ...


入行十多年的藝人陳家樂,去年憑無綫劇集《逆緣》爆紅,成為新一代師奶殺手,工作接踵而來,除拍電視及電影外,還有不少商演,豬籠入水的他透露試過冇錢過日子,爸爸偷偷將錢放入他銀包,心情極難受要匿埋喊。

陳家樂回顧入行後曾有一段時間完全沒有工作,令人變得迷失,幸遇到麥曦茵導演伸出援手,令他繼續演藝夢想。問到當時沒收入,經濟是否好有壓力?他說:「係,好彩有家人,爸爸知男仔要面,我又唔會問佢攞錢,佢好好,會靜靜放啲錢落我銀包,但嗰種心情其實好難堪,自己都有匿埋喊。好彩佢依家退咗休,而我工作上都搵到少少錢,有能力可以照顧佢。」

三日冇瞓冇沖涼

問到近期爆紅會否忙到吃不消?陳家樂說:「去年年尾好辛苦,有三套戲一齊開,試過三日冇瞓過,連屋企都冇得返,嗰日真係想喊,但諗深啲其實係幸福,嗰刻想喊係因為冇得沖涼,當時拍完打交戲,成身污糟邋遢,之後緊接拍床戲,覺得自己好污糟,好核突。試過喺荒廢咗成年嘅大廈拍嘢,我攰到點都要瞓一個鐘,點知嗰度好多蚤咬,成個鐘不停畀嘢咬,起身時有三十幾粒紅點,嗰吓覺得好難受,但如果畀我再揀,我都會接受,因為一直希望有機會,機會到就要珍惜。」

人紅自然多人關注,陳家樂希望藉自己名氣幫助有需要的人及多關注弱勢社群,日前他抽空出席大家樂舉辦「區區開年飯2019」,宴請基層市民享用盆菜,他說:「了解、關注弱勢社群對自己都有幫助,當人哋有困難,幫到佢哋都開心,我亦經歷過困難,有人幫好重要。」

唔刻意避陳瀅

現階段以工作為先的他,自與余香凝分手後,又與陳瀅傳緋聞,他稱不會刻意避桃花:「愛情唔係話嚟就嚟,亦冇得話唔要就唔要,唔會刻意避,而且我鍾意識新朋友,陳瀅係工作夥伴,冇刻意去諗將來有冇機會,我哋拍完套劇之後冇咩再聯絡。」


來源 source: http://hk.on.cc
鍾意就快D Share啦!