歌手吳業坤現身電台宣傳新歌《和懷念講再見》，他指新歌教人如何用祝福跟以前的事講再見：「唔一定要憎恨，用祝福咁放低、向前行。（你有咩要用祝福放低？）人生有好多過客，例如朋友、戀人。」續抵死用鼻垢來比喻過客：「鼻塞嗰時先會發現呼吸嘅美好，其實同佢哋唔使絕交，再見亦是朋友。」講到新歌尾段召集一班Fans獻聲，覺得Fans表現如何？他大讚有Fans歌藝專業：「有啲係參加過歌唱比賽，有啲係純粹鍾意唱歌，但大家都好畀心機，所以我都好感恩。」
提到為無綫新劇《大醬園》試造型時，龔嘉欣大呻吳業坤毀掉她的「貞節牌坊」，問到吳業坤做了甚麼？他即笑對方講漏「劇中」二字：「戲入面佢同朱晨麗都係妓院出嚟。（佢指關於之前同你傳緋聞？）係咩？唔好意思，對唔住，大家講笑啫，龔嘉欣咩都講，可能佢又耳水不平唔舒服先咁講。」隨即扯開話題到他4月的紅館騷《吳業坤小句號演唱會2019》：「將以前發生嘅嘢畫上句號，包括同佢嘅緋聞。（唔驚新合作再傳緋聞？）唔驚，免咗疫，我會做好斟茶遞水嘅細佬角色，同埋拍攝期間負責萬歲。」
來源 source: http://hk.on.cc
|
鍾意就快D Share啦！
|
|
|
