掃呢頁CODE去手機

2019年3月20日 星期三

楊洛婷:暗角聽歌怕被認出 楊洛婷晒愛的故事勁冧 __,楊洛婷,

藝人楊洛婷(Rabee'a)同組合DearJane主音老公黃天翱(Tim)結婚5年,囡囡都有埋,不過二人仲可以維持住拍拖時嘅熱情,久唔久又爆吓閨房樂, ...


藝人楊洛婷(Rabee'a)同組合Dear Jane主音老公黃天翱(Tim)結婚5年,囡囡都有埋,不過二人仲可以維持住拍拖時嘅熱情,久唔久又爆吓閨房樂,真係Sweet到爆!3日前Dear Jane終於圓紅館夢舉行一連兩場首個紅館演唱會,楊洛婷當然有去現場力撐,佢仲舉晒燈牌又瘋狂打氣,估唔到隔咗幾日,佢都仲懷念緊個騷,仲大爆當年二人啱啱發展戀情嘅愛的故事添。

佢就喺社交網晒出二人第一張合照,憶當時Dear Jane每星期都會喺赤柱表演,不過當初驚畀人見到,佢只好住到老遠聽歌,佢哋又因為怕戀情曝光,連合照都係去到搞音樂會先影,佢仲大呼冇嫁錯老公添:「好多人同我講Dear Jane嘅情歌會令佢哋諗起好多同另一半嘅回憶,而我每次聽到#放大假 同 #男兒當打交 就會諗起我同佢初初拍拖嘅時候,驚畀人見到,所以當時佢哋每星期喺赤柱表演,我就會坐得好遠聽歌!直至到佢哋第一次喺Fringe Club舉辦音樂會我哋先有第一張合照(第二張相). 其實佢哋每首歌都會令我諗起我同佢人生唔同階段,我自己最鍾意嘅就係Howie寫畀我哋首#草戒指,雖然今次演唱會冇唱到,但係我會經常聽,因為每次聽到呢首歌,我就好肯定佢嘅堅持係冇錯!而我梗係冇嫁錯老公!」


來源 source: http://hk.on.cc
鍾意就快D Share啦!