掃呢頁CODE去手機

2019年3月20日 星期三

【余德丞被捧上天】拍劇戲份多 做主持有姐級人馬加持 但企街無人注意 __,余德丞,

有睇《福爾摩師奶》嘅觀眾應該都發現到,余德丞真係好多戲份,仲有江嘉敏同陳瀅兩位小花圍住佢轉,當中不乏親熱戲,明顯睇得出TVB真係好錫好肯捧佢。《師奶》 ...




有睇《福爾摩師奶》嘅觀眾應該都發現到,余德丞真係好多戲份,仲有江嘉敏同陳瀅兩位小花圍住佢轉,當中不乏親熱戲,明顯睇得出TVB真係好錫好肯捧佢。

《師奶》係余德丞昏迷入院前拍落嘅劇,但估唔到佢康復後,TVB對佢嘅寵愛有增無減!雖則劇集工作唔多,暫時好似只得《鐵探》一套,但屬於香港國際影視展推介劇之一,當中又有惠英紅、姜皓文坐鎮,俾晒機會余德丞從中偷師學習甚至上位。

拍劇始終操勞,唔適合康復無耐嘅余德丞,所以更多嘅工作係做主持,例如《娛樂大家》,而TVB俾佢嘅拍檔係汪阿姐、森美仲有蘇永康,全部都係成名前輩,擺明鋪晒直路俾佢行。仲未夠,Do姐同農夫呢個組合拍旅遊節目,一直叫好叫座,最新一輯都預埋余德丞!總之,TVB真係逢好嘢都明益佢!

希望余德丞好好把握呢啲機會上位啦,如果備受力捧,但次次出親街都無人行注目禮、無人上前集郵,好似踮行踮過嘅路人咁,真係嘥晒TVB栽培心血喇。


鍾意就快D Share啦!