藝人黃翠如及丁子朗上午到銅鑼灣出席廚藝活動。忙於趕拍新劇的翠如笑指十分欣賞老公蕭正楠的愛心靚湯：「係曹永廉帶佢去街市買餸煲湯嘅，買買吓佢都自己去買喇，之前仲畀咗一壺湯我攞番去開工飲，搞到我好warm之餘亦有啲內疚。」
談到自己的廚技，翠如謂：「少少西餐啦，都報咗名上堂喇。（嚟緊23號阿蕭生日喎。）佢講咗好多次想食大蝦粉絲煲同中餐，我都問咗人點整，希望嗰日放假啦，依家擔心連禮物都趕唔切買，希望曹永廉肯幫我買埋餸放喺屋企。（叫佢幫手煮，唔畀佢坐低食？）唔得，話晒都係小三。（阿蕭曾經話想同妳出埠過生日。）唔得喇，因為我套劇趕埋尾。」
談到日前為新劇拍攝重頭撞車戲，翠如表示：「2日拍咗4組，戲內所有人經歷生死，情緒崩潰，我都有少少整親條頸，嚟緊仲有場大車禍未拍呀。」
來源 source: http://hk.on.cc
|
鍾意就快D Share啦！
|
|
|
