好彩有黐貼紙！
第三十八屆金像獎頒獎典禮圓滿結束，三大電影公司聯同金像獎協會在頒獎禮後假尖沙咀舉行慶功宴，出席藝人包括最佳男女配角袁富華與惠英紅、蔡卓妍、周家怡、胡定欣、潘燦良與女友蘇玉華等均有現身。
三項提名均落空的余香凝也有到場，提到她在金像獎台上不慎露出乳貼，她表示：「我今日全日都同自己講喺台上唔好失準，跳舞唔好跳錯舞步，唱歌唔好走音，全部都冇事，但就走光。我喺台上好enjoy表演，完全唔知道發生咩事，係落台時有人同我講我走光。其實條裙好Fit，好緊，不過我未試過戴耳機着呢條裙，可能我好緊張，抖氣太大力，不過都只係露貼紙一個，好在有黐貼紙，否則就好尷尬，今次當攞個經驗，下次會再準備好啲。（有冇唔開心？）我比較着重唱歌有冇走音，好在冇，因為呢個係我專業。」
來源 source: http://hk.on.cc
|
鍾意就快D Share啦！
|
|
|
