掃呢頁CODE去手機

2019年4月15日 星期一

毛舜筠:金像獎同胡定欣撞樣!毛舜筠:唔只後生十年 __,毛舜筠,胡定欣,金像獎,

毛毛多謝大家認錯佢係胡定欣。藝人毛舜筠出席協康會活動,與小朋友一起裝飾蛋糕,並呼籲關注有特殊需要的兒童。她昨晚在金像獎的造型令人眼前一亮,被指年輕了十 ...


毛毛多謝大家認錯佢係胡定欣。


藝人毛舜筠出席協康會活動,與小朋友一起裝飾蛋糕,並呼籲關注有特殊需要的兒童。她昨晚在金像獎的造型令人眼前一亮,被指年輕了十歲,甚至有人誤認她是胡定欣,她笑言:「咁似定欣就唔止後生咗十年。其實要多謝我個化妝師同髮型師,係團隊功勞。(你頒獎時講嘢嘅好好笑。)我唔係跟稿讀,我有改咗少少稿,其實我想改多啲,不過主席爾冬陞話唔好改得太離譜同太多爆肚,因為今年大會有手語同翻譯。」她大讚今年頒獎禮十分流暢,尤其一班新人的表現很好:「通常新人都會怯場,佢哋只係有少少緊張,但冇失準,我見到佢哋就覺得香港影壇有希望,好享受成晚個騷。」

另外,對於同公司的蔡卓妍失落影后,去年奪影后的她坦言:「佢攞唔到,大家都有啲失望,尤其係老闆,我睇咗佢套戲,佢係一個好用心嘅演員,但《三夫》嘅女主角太強,如果畀多次機會佢,佢繼續努力就一定會得,千祈唔好放棄。(你有冇安慰佢?)尋晚頒獎前我有問佢緊唔緊張,佢話唔緊張,因為覺得自己未必得,我同佢講得獎與否都只係經歷,如果唔得嘅時候,最緊要係有下一次,以往輸嘅時候我都係咁諗,總會得嘅,我就係最好嘅例子。」




來源 source: http://hk.on.cc
鍾意就快D Share啦!