爆出「安心偷食」第11日，黃心穎被影到現身美國洛杉磯國際機場，選擇離開香港避避風頭，似乎係佢唯一嘅路。一直以嚟，黃家上下感情好好，四姊妹同父母關係好親密，就算再忙，每個星期都會有family time。孻女孻心肝，加上黃心穎自細就好識嗲爸爸，所以做老豆嘅一直最錫嘅係佢。4月2日仲喺溫哥華過緊生日嘅黃爸爸，返嚟香港幾日就爆出咗「安心偷食」事件，同黃心穎只係以電話聯絡，見都未見到佢。做人父母，明知愛女闖下彌天大禍，都會原諒佢，黃爸爸亦一樣，有責備佢，但亦都會保護女兒。知道女兒安全抵達洛杉磯，黃爸爸才繼續日常生活，早上八時多便到屋企附近商場茶記食早餐，有番啲胃口。記者問佢一切有關黃心穎的事，黃爸爸說了一句「對唔住」，然後沒有再作任何回應。獨自食完早餐後，黃爸爸去了銀行，便直接回家。黃心穎出事後，做家姐嘅黃心美一直陪住阿妹，擔心佢承受唔到咁大壓力，幾乎寸步不離佢左右。直到阿妹離開咗香港，黃心美先有心情喺IG出post，一張藍天白雲相，寓意希望「安心偷食」一事盡快事過境遷，快啲雨過天晴。黃心穎離港當日，黃心美第一時間返屋企探爸爸，好有孝心。
來源 source: http://nextplus.nextmedia.com
|
鍾意就快D Share啦！
|
|
|