眾所周知內地歌手李榮浩女友係台灣歌手楊丞琳，前年為男友嘅首個台北小巨蛋個唱擔任嘉賓，被李榮浩世紀一吻，相信大家都仲歷歷在目。雖然今個月中，楊丞琳就去咗男友世界巡迴演唱會嘅上海站首場，呢幾日李榮浩就去到廈門開騷，不過佢完騷之後竟然喺微博公開驚人嘅秘密，佢仲親自認證「李太」身份唔係楊丞琳！
話說李榮浩尋晚喺微博上載短片，片中就影住佢喺廈門騷度正準備投入深情獻唱，正當大家都陶醉徐徐嘅伴奏之間，安靜而又空曠嘅環境之下，忽然觀眾席爆出響亮嘅一句「老公～～～～～」，就喺呢個電光火石之間，不嬲Cool爆嘅李榮浩竟然不敵女粉絲嘅激情吶喊，最後失笑收場，搞到台上台下笑聲一片，竟然仲因為咁而上埋熱搜，個個爭住睇「李太」嘅身份認證，而李榮浩自己都抵死留言：「謝謝廈門 好熱情 大姐的爽朗笑聲讓我不寒而慄 下一站 大連」
以為故事就咁就完？No way！女粉絲「李太」竟然仲喺李榮浩微博留言，極力「澄清」自己得20歲，嗌李榮浩唔好叫佢做大姐，而李榮浩本人都有貼心回覆對方，指「大姐」只係一個形容詞，不過不寒而慄就係真嘅。
來源 source: http://hk.on.cc
|
鍾意就快D Share啦！
|
|
|
