早排陳奕迅喺一間公開大學演講時，因為唔like啲學生只掛住同佢合照，同埋玩手機，攪到黑晒面，仲叫一啲學生離場。近日「暴龍哥」鄭中基亦都去大學做分享，班港大學生見到暴龍哥出現，個個十足牛歡喜一樣，勁high呀！
對住班學生，鄭中基都忍唔住暗笑陳奕迅。「起碼今日無見到人玩電話先，呢啲咪叫做做出水準來！就算有，佢哋攞嚟影相啫！」
幽默呢個主題，開正佢個瓣，所以一個鐘頭嘅分享，真係笑聲笑聲，滿載溫馨呀！
之前暗笑Eason，跟手同啲學生玩美女廚房，Ronald笑埋佢舊拍檔方力申，仲有古天樂。不過喺呢位搞笑高手眼中，最識講笑嗰個，竟然係成日板起塊面嘅劉青雲。佢亦過兩招畀學生，幽默呢家嘢，就好似投資一樣，事前要學識風險評估，否則會如昔日嘅佢，好易賴嘢，得罪人。
來源 source: http://nextplus.nextmedia.com
|
鍾意就快D Share啦！
|
|
|
