郭穎兒靠母性企番起身！
藝人郭穎兒（Celia K.）亮相東網巨星節目「余仁生特約」《家有B事》，自從為老公李冠鋒誕下大女Galia及細女Lia，Celia可說放下藝人工作，全力留家相夫教女，成為人母後「人生大逆轉」，曾出現產前及產後抑鬱，囡囡的出世令她明白到「為母則強」道理，自己隨即飛快成長。
她說：「初初轉做全職媽咪，心情好忐忑，覺得自己明明係人哋個女，但咁快就要去照顧第二個女，好唔適應，所以大女出世嗰陣都好難以置信，擔心到有抑鬱，不過做人媽咪責任重大，亦係呢種母性令我企番起身。」
Celia把女兒放第一位，自爆曾到戲院睇戲時因唔捨得囡囡而中途離場，「我記得生大女三個月左右，同我先生去睇戲，睇咗十幾分鐘，個心就好唔舒服，覺得好內疚，覺得自己掉低咗佢，即刻起身衝番屋企，依家諗返起覺得好搞笑，但相信係每個媽媽必經嘅階段。」想知兩女之母仲有咩心路歷程？快啲睇《家有B事》
來源 source: http://hk.on.cc
|
鍾意就快D Share啦！
|
|
|