今次大女正式做家姐喇！恭喜！
前天氣女郎黃婉曼（Icy）榮升第二任媽咪，恭喜恭喜！二女叫Kaitlyn，出世時重7磅幾，Icy開心地說：「囡囡手指腳趾都好長，仲有好叻飲奶。」她說大女看見妹妹一刻，先是好奇，後才興奮，她說聽朋友說要代妹妹送禮物給大女，發覺非常有效，笑說大女收禮物時好開心，仲大方分享她最愛的乳酪糖，她說：「覺得之前嘅準備功夫冇白費到，之前好勤力同大女講一本叫做『你要做姐姐了』嘅故事書，畀家姐知道BB餓和喊要飲奶，要幫BB換尿片，以後大女有個伴，姐妹可以講心事係我嘅願望。」
Icy接受東網電話訪問時，提到BB叫Kaitlyn，她說：「因為大女叫Kyra，所以跟番用K字頭，Kaitlyn係我同老公一齊諗，係有純潔和清純嘅意思，女仔清清純純就好，（BB似邊個？）都係似我老公，基本上佢同大女出世時幾乎一樣，兩個都似老公，有老公前世情人嘅影子，不過朋友話女大十八變嘅。（兩年抱兩，再接再厲追個仔要似你？）抖抖先，不過男仔似老公好啲，到時全屋都似晒佢。」
她說今胎仍是開刀生，過程十分順利，讚醫生手勢好好，原本佗B時胃口不佳，但估不到BB出世也有七磅多，而且一出世就追人奶飲，她說：「大女出世時唔肯飲人奶，擔心咗一輪，今胎BB就好肯飲，第一日就可以埋身喂人奶，輕鬆好多，上胎自己奶水唔夠，原本諗住今胎順其自然，預備咗畀奶粉佢飲，點知佢肯飲，好有滿足感，原來個個唔同，第二胎同第一胎都唔一樣。」提到她的麵包Kitchen已裝修得七七八八，預計下月soft opening，她說這段時間要乖乖地坐月，故已叫定朋友去試食，畀意見。
來源 source: http://hk.on.cc
|
鍾意就快D Share啦！
|
|
|