2019年5月13日 星期一

【潮店執完再開】對抗乸脷租金 徐濠縈落舖打躉招呼熟客 __,徐濠縈,

徐濠縈係香港潮流代表人物,高峰期更擁有5間潮店,但奈何大眾對潮流通常都係識條鐵,所以佢店舖人流一向唔多,而10年嘅心血亦難敵貴租,喺舊年終於執埋最後一 ...




徐濠縈係香港潮流代表人物,高峰期更擁有5間潮店,但奈何大眾對潮流通常都係識條鐵,所以佢店舖人流一向唔多,而10年嘅心血亦難敵貴租,喺舊年終於執埋最後一間Liger。

不過,徐濠縈事隔半年已經東山再起,開過另一間新店HER,潮服繼續有,仲將自己喜愛跑步呢點,為新店注入更多型格運動鞋,令舖頭集高級時尚以及休閒運動元素,而且店內仲賣埋咖啡,等人可以輕鬆購物之餘,唔買都可以飲杯嘢吹下水,所以阿徐都周不時返去巡舖,見到朋友或者熟客更加係雞啄唔斷添,好似呢日畫面見到佢咁樣,果然係吹神陳奕迅太太。

同個唔知朋友定熟客吹完一輪,送埋人哋出門口後,吹神太太隨即向員工口噏噏,但相信就唔係吹水喇,事關員工一臉認真眼定定對住佢,全程無出過聲,而且手上拎住啲紙張、文件,斷估係聽緊阿徐柯打。阿徐有指示畀員工係好事呀,租金咁貴,唔諗下辦法增加營利擴展客源,單靠甘比呢班老友支持真係好惡做。


鍾意就快D Share啦!
Related Posts Plugin for WordPress, Blogger...