2019年5月13日 星期一

【實景拍攝】與陳錦鴻新劇做夫妻 鄧萃雯談愛情:一個人也可以很快樂 __,鄧萃雯,陳錦鴻,

攝影:陳俊強
「我請在場各人見證,我願以你成為我的合法丈夫/妻子。」婚姻的承諾由在這22個字開始。鄧萃雯於ViuTV電視劇《婚內情》飾演馬淑湘,為了愛的承諾,不惜安 ...


「我請在場各人見證,我願以你成為我的合法丈夫/妻子。」婚姻的承諾由在這22個字開始。鄧萃雯於ViuTV電視劇《婚內情》飾演馬淑湘,為了愛的承諾,不惜安排丈夫出軌。的確,世界太大,誘惑太多,如何堅持下去,才是婚姻最大的關鍵。現實中的雯女,想到從前盲婚啞嫁的結合反而比現在更長久,她說:「嗰種堅持好勁,明知委屈都會堅持落去,其實唔止講男人,減肥都係咁之嘛。」



劇中的馬淑湘,表面上是優雅大方明事理的女人,心底卻是個控制狂。不止一次飾演這種強勢女人的鄧萃雯說:「淑湘頭腦好敏捷、眼光好準、轉數好快,孫逸(陳錦鴻飾)出軌係好合理,佢(馬淑湘)係一個control freak,但係佢好愛呢個老公,佢願意滿足佢理想嘅生活。喺佢眼中,孫逸生存唔到,亦唔想佢(孫逸)一寫書,就有危機出現,於是就滿足佢。我覺得呢個老婆幾無敵,有人問我到底馬淑湘愛孫逸定係愛自己多啲?我冇得拆開佢分析,每個人都想做自己想要嘅嘢。」



假如面對丈夫出軌,雯女直言一定會尋根究底:「細路女嗰陣,可能會好快決定分開,而家嘅我會想知道原因。好多朋友同我講,兩個人結咗婚,唔係咁坦誠,唔係乜嘢都可以講,我覺得有啲匪夷所思,我係要溝通嘅人,因為唔攞個問題出嚟傾,問題唔會消失。如果個問題(出軌)係我帶出嘅,未必唔可以原諒,有時候出現唔好嘅事,可能會令婚姻更好。以前盲婚啞嫁,佢哋死都唔會離婚,係一份好勁嘅堅持,就算委屈都唔會放棄,其實同減肥一樣,堅持先會瘦之嘛。婚姻一樣,你要睇到哂所有衰嘢,先好講I do。」



她笑指男人與女人真的大不同,很多男人選擇去飲酒減壓,也不願意與太太分享:「男人會覺得將問題帶返屋企,就會衍生更多問題,因為個老婆仲煩,佢哋唔認為溝通有用。一樣米養百樣人,每對情侶都係個別嘅,有啲男人可能要喺床上面先最relax,先可以同你傾,其實都係要花時間同心機去相處。」



至於對第三者的看法,有人說第三者本來就是自虐,亦有人說第三者就是愛破壞。雯女認同不能一刀切決定第三者是否壞人:「每個人都有唔同動機,可能有啲人純粹要愛,所以唔理其他人;有啲可以接收錯誤訊息,以為自己先係提供到對方需要嘅嘢嘅嗰個人;有啲人破壞你之後就開心。好似每個去教會嘅人嘅intention都唔同,有啲人想去搵好男人;有啲想去識好老婆;even基督徒都係咁,更何況平常人?」



「有邊個唔想要又靚仔又大隻又細心又man嘅萬能superman?既然一個人提供唔到,就搵幾個人去提供,孫逸就係咁。我自己係演員,我需要一個可以依靠而穩定嘅男人,但我唔可能要求佢陪我去跳bungy jump,因為佢要係個boring嘅人,先有呢種穩定。牧師都會望靚嘅女仔,問題係,你畀自己繼續望落去?定係話畀自己聽,佢幾靚都唔關我事?」



談到雯女的單身生活,她有否憧憬過婚姻?她笑謂未遇到無所不談的人:「唔係咁多人願意去傾,以前嘅我專注喺事業,冇耐性、冇時間去明白對方。而家知道乜嘢係愛,亦都有時間,但係就冇遇到。」她直言享受單身生活,認為一個人也可以很快樂:「我可以fulfill(滿足)自己嘅需要,唔需要對方fulfill自己,咁又有咩唔同呢?係唔係有個人,就等於有better quality?好多男人都太玻璃心,事業好成功、搵到好多錢,但係就要搵個依靠佢嘅女人,最好唔好咁獨立啦。呢個唔係我要嘅嘢,我需要一個有自信嘅男人,重要過外在條件。」



經常被標籤為「強勢女人」的雯女,心底亦希望間中做個小女人:「當然互相都要低能下,我唔可以成日都做保護佢嘅母雞,有時我係BB,有時佢係BB,係喺最親密嘅人面前先可以表現嘅一面。」



雯女首次與ViuTV合作,久未拍攝港劇的她說:「感覺上比較似拍電影,因為全部係實景,而且時間好好,每日開工12個鐘頭連化妝,有足夠嘅休息同準備。好耐冇喺香港拍電視劇,感覺親切好多,需要補救嘅嘢隨時都可以買到,製片好sweet,成日幫我買嘢食,仲可以返屋企瞓,工作氣氛好好。」



雯女直言實景拍攝,對於整個氣場亦有幫助:「好似拍宮廷劇咁,成日喺廠邊有feel㗎?民初時代,講俾人喺廣場追殺,來來去去就係嗰條街、嗰個窄角,成個氣勢就冇咗。不過喺香港同國內拍我都鍾意,唯一喺國內最難嘅係,真係熱過香港好多。」



採訪:盧妹

攝影:陳俊強

拍片:馮嘉銘



《MCU寶石時軸全記錄》

1套6冊解構Marvel電影宇宙

入場睇Endgame前必讀天書!

https://hk.adai.ly/IFk7iee55V

-----------------------------

【記住63836568】全民爆相爆片!下一個爆料王就係你

https://bit.ly/2Guolu9

-----------------------------

星期一至五晚上10點半

《動腦Q》Let's Q the money!

http://bit.ly/2QW8LcI



攝影:陳俊強 鄧萃雯於ViuTV電視劇《婚內情》飾演馬淑湘,為了愛的承諾,不惜安排丈夫出軌。 鄧萃雯於ViuTV電視劇《婚內情》飾演馬淑湘,為了愛的承諾,不惜安排丈夫出軌。
現實中的雯女,想到從前盲婚啞嫁的結合,反而比現在更長久。

現實中的雯女,想到從前盲婚啞嫁的結合,反而比現在更長久。
她說:「嗰種堅持好勁,明知委屈都會堅持落去,其實唔止講男人,減肥都係咁之嘛。」

她說:「嗰種堅持好勁,明知委屈都會堅持落去,其實唔止講男人,減肥都係咁之嘛。」
有否憧憬過婚姻?雯女笑謂未遇到無所不談的人。

有否憧憬過婚姻?雯女笑謂未遇到無所不談的人。
她直言享受單身生活,認為一個人也可以很快樂。

她直言享受單身生活,認為一個人也可以很快樂。
經常被標籤為「強勢女人」的雯女,心底亦希望間中做個小女人。

經常被標籤為「強勢女人」的雯女,心底亦希望間中做個小女人。
《婚內情》中陳錦鴻跟談善言有婚外情。(ViuTV劇照)

《婚內情》中陳錦鴻跟談善言有婚外情。(ViuTV劇照)
雯女跟錦鴻演夫妻。(ViuTV劇照)

雯女跟錦鴻演夫妻。(ViuTV劇照)
全劇實景拍攝。(ViuTV劇照)

全劇實景拍攝。(ViuTV劇照)
廖碧兒演雯女妹妹,跟姊夫錦鴻是舊情人。(ViuTV劇照)

廖碧兒演雯女妹妹,跟姊夫錦鴻是舊情人。(ViuTV劇照)

鍾意就快D Share啦!
Related Posts Plugin for WordPress, Blogger...