陳浩民贈舊衣祝福 張秀文讚母愛偉大
林子聰的老友陳浩民昨日回應本報時，坦言當初得聞事件時很震驚，所有可能幫到的事都有試，如有傳初生BB着舊衫可身體健康，他即把自家小朋友舊衫帶去醫院，希望給阿聰囡囡着。如今對方妻女大步檻過，陳浩民說：「媽咪為個囡咁大犧牲，我同阿聰講，幫我(目及)實佢囡囡，如果日後唔錫媽媽就會教訓佢。佢老婆真係愛海滔滔，功德無量，我都有首歌叫《愛海滔滔》，正好唱畀佢一對子女聽！（母愛偉大？）世上只有媽媽好，我哋做爸爸要努力工作，令太太、子女有好嘅生活，阿聰，加油！」
而最近曾與林子聰合作的無綫「咪神」張秀文，表示只知對方家庭多了一個小朋友，當得知其妻生BB「命懸一線」亦表驚訝，她說：「都有個朋友係咁，要住1個月深切治療部，幸好最後母子平安，今次第二次聽到類似情況，好驚險呀！做媽媽真係好偉大，我會聯絡導演（肥仔聰）關心吓佢情況。」
來源 source: http://orientaldaily.on.cc
|
鍾意就快D Share啦！
|
|
|
