熱爆娛樂: 【六合彩之女打拳賽】周嘉莉孖柏檔拜師落場比賽：要做心理輔導 _

2019年5月22日星期三

【六合彩之女打拳賽】周嘉莉孖柏檔拜師落場比賽：要做心理輔導 __,六合彩,周嘉莉,

【六合彩之女打拳賽】周嘉莉孖柏檔拜師落場比賽：要做心理輔導
9分鐘前

馬上成為壹會員

會員專區只限會員閱讀

被網友稱為「六合彩之女」的周嘉莉，近日跟好柏檔葉芷如齊齊拜師雷嘉碧Lena學打泰拳。雷嘉碧來頭不少，過去參加過不少職業賽事，也是首位攞正牌的中國女性泰拳拳証，參加過逾百場職業賽事。由於策劃過不少國際賽事，一心推廣這項運動，在業界被受尊重。

現身兼數職的周嘉莉說：「我哋早排同Lena合作，佢覺得我同芷如都係勤力嘅女仔。如果要學打泰拳，絕對唔會偷懶，加上我哋合作時，大家開始對呢樣運動有興趣，所以佢先肯收我哋做徒弟。」拍檔葉芷如從小習武，有功夫底，周嘉莉知道自己要比其他人用多啲時間練習，她說：「所以Lena同芷如會積極幫我操練，如果我哋有成績，到時或者會報名落場比賽。」

周嘉莉自言很佩服雷嘉碧，因為身為女人打拳賽，實在不容易，尤其是Lena曾患過子宮頸癌。她說：「Lena一直打西洋拳，發現有病後，用咗一年時間醫治，之後改練泰拳，又再做到成績。我都問定Lena，佢話女人打拳，真係好多嘢要顧忌，譬如唔好諗住一味要靚樣，同埋打打吓啲衫又會走位，所以心理質素好重要，我笑話咁真係要做心理轉導先。我聽過Lena講，為咗要練體能同減磅，佢哋甚至會喺桑拿房打手靶，所以真係要好有毅力。」如果操到夠實力，周嘉莉都希望可以跟葉芷如落場試吓。