網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年6月27日 星期四

【隨時變楊受成新抱】滑水滑出愛 39歲容祖兒秘撻老闆細仔33歲楊政龍4個月 __,容祖兒,楊受成,楊政龍,

18年,拍拖5年的容祖兒同劉浩龍傳出分手,19年1月,Joey承認單身,與師兄5年「女尊男卑」的感情玩完。分手不要太悲哀,Joey身邊有班好友如阿Sa ...




18年,拍拖5年的容祖兒同劉浩龍傳出分手,19年1月,Joey承認單身,與師兄5年「女尊男卑」的感情玩完。分手不要太悲哀,Joey身邊有班好友如阿Sa、阿嬌、關智斌,趁佢情傷約埋一齊出海滑水,就係因為咁,令佢有新戀情!壹仔收到消息,指Joey秘撻老闆細仔楊政龍,呢段姊弟戀已經有4個月。

當初因為一齊出海滑水,滑出愛火花,然後見得愈來愈密,閉門一家親,大家都係英皇人,見嘅機會多到數唔晒。滑完水之後,成班人又約埋飛日本滑雪,Joey同Alex見得多,感情好快加深。兩個月前,Joey畀傳媒影到佢喺超市邊講電話邊買牛扒,平時甚少下廚嘅佢,早前為無綫去LA拍特輯時講過,如果佢煮嘢食的話,一定係拍緊拖煮畀男友食,同佢拍緊拖嘅timing真係好吻合!

4月中,Joey喺法國早機返香港,一落機唔係返屋企,反而係返公司,咁又係,男友Alex好勤力,好早就喺公司開工,冇見幾日,見吓面都要嘅。4月尾,G.E.M.喺高雄開世界巡唱尾站,Joey都有陪Alex去睇,呢對熱戀中嘅情侶,真係見少一陣都唔得。5月Alex生日,Joey唔只同佢慶生一次,搞到Alex不知幾冧。由於Joey同Alex都係出自英皇,所以,好多人都以為佢哋係buddy,相比起以前同師兄拍拖,Joey同Alex一齊,真係開心好多。一樣係「兒龍戀」,不過,Joey同Alex呢Pair,好受身邊好友歡迎,又冇「女尊男卑」感覺,恭喜晒呀!

攝錄:娛樂組

立即下載APP,精彩內容壹手掌握

下載連結: http://bit.ly/Next29App

如對會員訂閱制遇到任何問題或意見,你可以致電 2623 9985,或電郵聯絡客戶服務主任cs@nextdigital.com.hk,我們定當盡力協助!

鍾意就快D Share啦!