網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年6月24日 星期一

【娛樂人物】受父親不理家影響 半百先結婚大AL教仔有承擔 __,

現年69歲的大AL表示父親不理家庭,以致年輕時沒有想過結婚。
現年69歲的大AL表示父親不理家庭,以致年輕時沒有想過結婚。前輩級歌手張武孝(大AL),17歲夾band入行,在酒吧唱夜場,又做過的士高睇場,晚晚流連 ...


前輩級歌手張武孝(大AL),17歲夾band入行,在酒吧唱夜場,又做過的士高睇場,晚晚流連夜店的他,有過幾段轟烈愛情,但受父親不理家影響,於96年近50歲才娶港姐太太黃燕芳,之後三年內成為一子一女之父。大AL覺得男孩子要有承擔,所以對兒子要求特別高,更坦言:「有時鬧佢我會加兩句粗口。」

撰文︰祖李

攝影︰沈健程

相關新聞:【蘋聞重溫】同楊寶玲李美鳳同屆

現年69歲的張武孝年近半百才娶妻,一隻冇腳的雀仔突然鳥倦知還,全因當年他在天津患上感冒,他說︰「當時冇諗過結婚,一個單身漢好自由,啲人介紹明星同女拍檔畀我,我都唔要,佢哋仲以為我係基佬。不過有次患感冒,工都返唔到,一個人瞓喺間大屋,辛苦之餘冇嘢食連水都冇,突然覺得好淒涼,做嘢叻又點?都冇人同你分享,嗰陣開始覺得要搵番個伴,但我想搵番同聲同氣嘅香港人,溝通同文化差異冇咁大。」



唔鍾意爸爸

病癒後返港,大AL即致電模特兒公司經理人好友Ben,叫對方介紹女仔,開宗明義想成家立室,年齡25到35,離過婚都冇問題。他憶述︰「佢介紹咗𠵱家太太畀我,我哋就開始約會,約會冇耐就結婚,所以緣份好講timing。」談到遲婚,大AL說受父親影響很大,當年父親長年累月不理家庭,由張母獨力湊大兒子,令他對婚姻沒信心︰「我差唔多單親長大,老竇有同冇都冇分別,一個唔完整家庭,對仔女成長好大影響,所以自己唔夠穩定,唔會貿貿然結婚,唔想害咗下一代。」他說少年輕狂,年輕時試過因為失戀意氣消沉︰「痛苦嗰陣係諗過死咗就算,但諗深一層,點對得住媽媽,自然就企番起身。」

大AL說做父母是學習的過程,以前他很嚴,現在卻變得隨和︰「我好唔鍾意爸爸,佢以前會攞住支棍係咁打我,但最初我做老竇時,都係用番佢呢套,但中途就發覺好唔妥,因為越壓迫,小朋友抗拒越大,就算佢認同你嘅道理,把口都唔服,反而同佢哋做friend,間唔中講吓道理,就算佢𠵱家未明,都會袋住先。」大AL覺得男孩子要有擔當,所以對兒子要求特別高︰「個仔一直都覺得我錫家姐多啲,我解釋因為男仔要獨立,但佢唔接受,有時鬧佢我會加兩句粗口,但個女我就唔會,加上個女係成熟同聽話啲。」

相關新聞:市井歌唱到冇靈魂



大AL與港姐太太黃燕芳(左)婚後育有一子一女。資料圖片 大AL與港姐太太黃燕芳(左)婚後育有一子一女。資料圖片
大AL當年過檔無綫作單飛發展,曾拍過不少劇集。

大AL當年過檔無綫作單飛發展,曾拍過不少劇集。
大AL透露為了跟從當年流行的騷靈曲風,刻意壓低聲線扮沙聲,結果變真沙聲。

大AL透露為了跟從當年流行的騷靈曲風,刻意壓低聲線扮沙聲,結果變真沙聲。

被斬斷手指

其實,大AL也經歷過反叛期,幸好音樂令他找到人生目標。當年他自組樂隊Bus Stop,之後被佳視睇中組成玉石樂隊,當時林子祥(阿Lam)前妻吳正元在佳視任編導,就引薦了林子祥加入玉石樂隊成為第二主音︰「但我哋合作只係半年左右,主持節目《玉石之音》,之後阿Lam先退出,後來無綫向我招手,但只肯簽我個人,考慮好耐最終都係決定單飛發展。」

大AL八年前回歸樂壇,偶爾參演電影及電視劇,飾演社團叔父角色入型入格。曾經在的士高做睇場的他,原來曾被人斬斷兩隻手指,甚至被插穿肺部,他說︰「當時做藝人對社會認識唔深,得罪咗人都唔知,唔好以為自己正面、冇錯就得,可能你同A講咗一句好好嘅說話,但就唔覺意得罪咗B。最慘係媽媽見到我喺手術室推出嚟,佢即刻暈咗要住幾日醫院。」

場地提供︰Lanno's Studio



大AL(中)直到現在都愛夾band,上月生日與一班band友慶祝。

大AL(中)直到現在都愛夾band,上月生日與一班band友慶祝。
近年熱愛做運動的大AL,閒時愛到郊外踩單車。互聯網圖片

近年熱愛做運動的大AL,閒時愛到郊外踩單車。互聯網圖片

鍾意就快D Share啦!