馬上成為壹會員
會員專區 只限會員閱讀
一場肺癆五勞七傷
喺《婚姻合伙人》入面嘅古明華，飾演只為自己追夢，而忽略家庭嘅爸爸。但現實中，剛剛相反。多年嚟，佢為咗幫患有腎病嘅女，應付每個月萬幾蚊嘅醫藥費，古明華一度身兼兩職，喺大台拍劇兼做配音。長期操勞，試過不停工作50小時，結果身體虛弱，16年染上肺癆。
當時佢拍緊《三個女人一個因》，因為肺癆病停工，改由李國麟頂上。
重提嗰一場病，古明華說:「我本身患有糖尿病一段時間，當時呢個病控制得唔好，令我嘅身體免疫系統出現問題，亦因此我嘅肺癆菌爆發出嚟，我啲肺癆菌可能都潛伏咗好耐，因為阿爸好後生時都有肺癆菌。
肺癆菌爆發後，肺病係會不停侵蝕你嘅能量，令你暴瘦，身體好虛弱。當時拍緊劇，知道染上肺癆當然有第一時間通知監製，因為我要隔離，唔可以工作，喺醫院被隔離，住咗十四日，當然而家就真係完全康復。」
- 痛鍚家庭嘅古明華，曾經講過:「為咗個女，俾埋條命我都肯。」。女兒Tammi在十多歲時發現患上「腎小球炎症」，需要長期服藥醫治，為應付每月過萬元醫藥費，古明華要兼兩職搵錢。
- 身形一直肥胖的古明華，經過一場肺癆，他一度暴瘦，他說病後身體五勞七傷，休息半年才復工。
遇上仁醫救女兒
要停工半年，一直係家庭經濟支柱，又要應付個女醫藥費嘅古佬，嗰段日子有冇好憂慮?「其實肺癆之後都五勞七傷，其間都停工休息咗半年至八個月，公司係俾足時間我休息。好彩「蘇基」(贏得最佳男配角的角色)之後，我簽咗TVB經理人合約，本身係包薪制，無論係請病假抑或者有工作，都會有一定數目嘅人工，令我好安心。」
上天俾呢個好爸爸，喺風浪日子遇到好人好事。
「我真係好好彩，認識一位好好嘅私家醫生，佢本身喺仁安醫院，佢好體諒我嘅經濟狀況，幫我用最節儉，而又可以控制阿女病情嘅一個方案，去幫我醫治個女嘅病。直至呢一刻，如果我哋有咩問題都會搵番佢，佢同我哋講，無咩事就唔需要嚟，因為無必要使呢啲額外支出。」
- 隨住長大，女兒的腎病亦漸見康復，古明華說見到愛女有好轉，是他最大安慰。
詹瑞文陳錦鴻係同學
難捱日子總會過，事關古明華個女Tammi健康終於見曙光。「佢而家已經差唔多二十一歲，佢嘅病況愈嚟愈好，而家自己都可以處理到，唔需要我同太太去擔心，呢個係最大嘅安慰。」古明華說。
演藝學院出身嘅古明華，同屆同學包括有陳錦鴻、詹瑞文、劉玉翠、張錦程，麥兆輝及關寶慧等。93年佢以一套三級片《旺角馬場》獲提名金像獎新人提名，而深入民心嘅角色，係星爺作品《國產凌凌漆》中，飾演受賄後放生星爺嘅公安。
要數入屋之作，當然係12年喺大台劇《巴不得媽媽》飾演嘅蘇基，佢亦憑呢個角色，贏咗最佳男配角。從此劇接劇，算係大台經常曝光嘅綠葉。
- 演藝學院出身的他，曾跟師妹朱茵合作。
- 12年他憑演乸型角色「蘇基」，贏得大台的最佳男配角，終於捱出頭。
- 近日跟大台結束經理人合約，自由身的他依然劇接劇外，外快亦搵唔少，最近就接拍一個電飯煲廣告，繼續為頭家奔馳。
立即下載APP，精彩內容壹手掌握
下載連結： http://bit.ly/Next29App如對會員訂閱制遇到任何問題或意見，你可以致電 2623 9985，或電郵聯絡客戶服務主任cs@nextdigital.com.hk，我們定當盡力協助！
來源 source: http://nextplus.nextmedia.com
|
鍾意就快D Share啦！
|
|
|