歌手菊梓喬（Hana）、張敬軒、周興哲等出席「Greater Bay Festival創科潮流音樂嘉年華」，原定有份演出的韓國天王Rain（鄭智薰），因身體抱恙甩底。而Hana亦同樣抱恙，一臉病容的她現身見傳媒，全程合十、做手語、點頭及由公司同事代答，表示Hana於日前演出後冷親，未幾便喉嚨痛、失聲兼發燒，醫生已為她打開聲針，但仍未見進展，問到Hana可有為未能演出感失望？她以手語指原定要上台唱7首歌，雖然未能如期獻唱，但仍堅持上台與專程到來的粉絲致歉。
Hana公司同事透露，曾於後台研究Hana頂硬上演出，但另一方面又擔心病情加劇，對7月1日於紅館的演出有影響，最終決定取消演出。向來體質虛弱的Hana，亦用盡力向大家說：「對不起，我幾日會好番。」揚言不會影響8月個唱綵排。
不過表示未能獻唱、僅出場致歉的Hana，大會於一小時後指她身體已有好轉，即將上台演唱，期間在場觀眾有人大叫：「出嚟呀！」及後Hana出場即咪嘴唱《鋼鐵有淚》，更向台下觀眾三度鞠躬以表示謙意，唱畢以微弱聲線說：「大家好嗎？今日好抱歉，唱唔到歌畀大家聽，希望喺台上同大家一齊，好唔好？真係好想在咁大咁靚舞台上面唱歌，但對唔住！」之後再咪嘴獻唱，期間忍不住流淚，觀眾也為她打氣大叫「加油！」亦齊聲為她代唱，場面感人！而大會公關鄭紹康亦於台上解釋，指Hana患重感冒幾日，為免不想大家失望，故以特別方式跟大家見面。
至於Hana演出後受訪，直言對抱恙演出感內疚，更指現場粉絲好有愛，令其感動落淚，重申沒有於大會壓力下出場演出。
---------------
立即參加「賞您睇」： http://bit.ly/2JWKULh
Click下面粒掣，儲on.cc coins！機票、家電、超市禮券、過萬份獎品等緊你。
|
鍾意就快D Share啦！
|
|
|
