陳煒於08年下嫁比她年紀細3年的台灣商人顏志行，婚後一度息影。至2012年，煒哥突然復出，並加盟無綫，夫妻開始分隔兩地生活，多次傳出婚姻出現危機。不過，煒哥一直死口不認婚姻出現問題，還邀請「老公」亮相自己的飲食節目《煒哥的味道》，人前人後表現恩愛。
直至前年，顏志行被踢爆與台灣歌手鄭雙雙關係密切，更一起前往峇里參加朋友婚禮；煒哥終於承認與顏志行在2012年已經簽字離婚，她一直說謊，是因為覺得有機會挽救婚姻。煒哥曾在大台節目《如果這樣生活》中哽咽說：「傳媒一直好關心我嘅感情生活，我一直冇交代，我之前冇講，因為想保持呢段關係，我覺得有挽救嘅機會，所以唔想講。坦白講，我唔想分開，呢個唔係我嘅意願，離婚其實係佢提出嘅，佢覺得工作上，可能有啲事情佢需要處理，佢覺得佢要花好多時間，都覺得佢有虧欠我，既然佢冇能力付出佢嘅感情，要處理好多事情嘅時候，就覺得不如雙方中斷呢段關係啦﹗」
煒哥在另一個訪問中還自爆息影後隨前夫到泰國定居，但生活淡如水，老公終日埋頭苦幹工作，對她有所忽略，就連性生活都有影響，更直言「佢好少掂我」。煒哥坦言前夫提出離婚時自己都好難接受，需要找精神科醫生協助，幸得家人和朋友開解，加上寄情工作，才能走出陰霾。
-----------------------------
【每周送10萬】
升級壹會員獨家尊享，立即參加10萬火急大抽獎!
*推廣生意的競賽牌照號碼：52302-9
-------------------------------
錶迷必讀！
89頁腕時計電子書 66款嚴選年度新錶
https://hk.adai.ly/e/v7jEA0MC1X
|
鍾意就快D Share啦！
|
|
|